Jeremia 10:5 - Tshwa Bible

⁵ A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Jeremia 10:5 Mawu Ofanana

1 Tihosi 18:26

Va lo teka a nkuzi leyo va nga wa nyikilwe, va yi longisa, va khongela hi vito ga Baali kusukela ni mixo kala hlikanhini, vaku: O Baali, hi hlamule! Kanilezi a va zwangi ni gezu ga ku hlamula. Zonake va lo ti tlatlalatela, va renzelekela a alati lego va gi mahileko. Hab. 2:19

2 Kronekele 25:15

Hikwalaho Jehova i lo zangarela Amazia, a mu rumela muprofeti a yaku kakwe: U va lavela yini vanungungulu va lava vanhu, lava va nga ponisangiko a vanhu vabye mandleni ya wena?

Isaya 16:12

Hambu lezo Moabi a ti karatako wutshanwini gi tlakukileko, A enghena tempeleni yakwe ku ya kombela, Cima a nga ta kuma nchumu.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 46:1

Beli i vumbamile, Nebo wa korama, A zifananiso zabye zi rwaliwa hi zifuyo ni tihomu; Lezi mu nga zi rwala zi pakelwa ka zihari zi kareleko.

Isaya 46:7

Va mu tlakula, va mu rwala hi makatla, Va ya mu veka wutshanwini gakwe, Zonake a tshama laho, a nga zi koti ku suka. Loku va kanyuluka kakwe a nga hlamuli nchumu, Hambu ku va ponisa zikaratweni zabye.

Jeremia 10:14

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko; Hakuva a zifananiso zabye mawunwa, a zi na muhefemulo.

Habakuka 2:19

Khombo a give ka yena loyi ange ka sinya: Vuka! aku ka ribye ga mbeveve: Suka! A xilo xa kunghahi xi nga gonzisa nchumu ke? Kunene xi nameketelwe a nzalama ni siliva, kanilezi a ku na moya nzeni ka xona.

1 Va le Korinte 12:2

Nwina ma zi tiva lezaku laha na ma ha hi vamatiko mu wa kokelwa zifananisweni lezi za timbeveve, hi laha mu nga kokwa ha kona. Efe. 2:11

1 Va le Korinte 8:4

Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8

Deuteronome 4:28

Leyo mu ta ya khozela vanungungulu va mahilweko hi mandla ya vanhu; vanungungulu va mahilweko hi tisinya ni maribye, lava va nga woniko, hambu kuzwa, ni kuga ni ku nuheta.