Jeremia 10:25 - Tshwa Bible

²⁵ Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 10:25 Mawu Ofanana

Joba 18:21

Hakunene, a wa kunghaho hi muti wa vakubiha; Gi maha lezo a wutshamu ga loyi a nga tiviko Nungungulu.

Tisimu 14:4

Vontlhe a vamahi va kubiha, a va na kutiva ke? Lava va gako a vanhu va mina khwatsi hi loku vaga xibaba, Na va nga kombeli ka Jehova.

Tisimu 147:20

A nga mahangi lezo ka manwani matiko, A zileletelo zakwe a ma zi tivi. Dumisani Jehova!

Tisimu 27:2

Loku a vakubiha va tshinela A kuga nyama ya mina, A vavengi va mina ni valala va mina Va khunguvanyeka vawa.

Tisimu 69:24

Chulula zanga ya wena hehla kabye, A khulo ga wena a gi va kamanyete.

Isaya 43:22

Kanilezi wena Jakobe a ku nzi kombelangi, A ku ti karatangi ha mina, wena Israeli!

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 11:1

A mhaka leyi yi tile ka Jeremia hi ka Jehova, yiku:

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Mikosi 2:22

U nzi rambele kuchavisa matlhelo wontlhe, khwatsi hi siku ga mutlhangano wa ximuse; A nga kona ni munwe wo pona, a nga sala hi siku ga zanga ya Jehova. Lava nzi nga va wukarela, nzi va wundla, a nala wa mina i va lovisile.

Zefania 1:6

Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Zakaria 1:15

na nzi tsanwiswa nguvu hi matiko lawa ma te ku ti njha; hakuva laha nzi nga wa tsanwile kutsongwani ha Israeli, wona ma lo engetela kubiha.

Johani 17:25

Dadani wa nongameto, a tiko a gi ku tivangi, kanilezi mina nzi ku tivile; na vona lava va zi tivile lezaku u nzi rumile. Xip. 8:55; 16:3, 27

Mitiro 17:23

Hakuva khwatsi hilezi nzi nga kari nzi hunza, nzi cuwuka lezi mu zi khozelako, nzi lo kuma ni alati gi nga hi ni mutsalo, waku: Ga Nungungulu loyi a nga tibyiwiko. Makunu a Nungungulu loyi mu mu khozelako hi ku nga mu tivi, hi yena loyi nzi mu byelako ha yena. Efe. 2:12; 2 Tes. 2:4

1 Va le Korinte 15:34

Vukani, mu maha kululama, mu nga onhi; hakuva vanwani a va mu tivi Nungungulu, nzi wula lezi ku mu chela tingana. Efe. 5:14; 1 Tes. 4:5

1 Va le Tesalonika 4:5

na ku nga hi wuxokori ga kunavela, khwatsi hi vamatiko lava va nga tiviko Nungungulu; Efe. 2:12

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Kuvululelwa 16:1

Zonake nzi lozwa a gezu ga hombe gi huma tempeleni, giku ka tingelosi ta ntlhanu ni timbiri: Fambani mu ya halata misaveni a ntlhanu wa mikhelo ni yimbiri ya zanga ya Nungungulu. Xip. 14:10