Jeremia 10:16 - Tshwa Bible

¹⁶ Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 10:16 Mawu Ofanana

Tisimu 119:57

Jehova xiavelo xa mina, Nzi wulile lezaku nzi ta hlayisa timhaka ta wena.

Tisimu 135:4

Hakuva Jehova i ti hlawulele Jakobe, Na Israeli lezaku ave tshomba yakwe. Ekso. 19:5; Deut. 7:6

Tisimu 142:5

Jehova, nza rila ka wena, Nziku: Wena u wuchavelo ga mina, U xiavelo xa mina laha misaveni ya vahanyako.

Tisimu 33:6

A matilo ma mahilwe hi gezu ga Jehova, Ni yimpi yontlhe ya wona hi kuhefemula ka nomu wakwe:

Tisimu 73:26

A miri wa mina ni mbilu ya mina zi rerekile, Kanilezi Nungungulu hi ribye ga mbilu ya mina, Xiavelo xa mina kala kupinzuka.

Tisimu 74:2

Alakanya a hlengeletano leyi u nga yi kuma kale, Leyi u nga yi tirula lezaku yiva a lixaka la tshomba ya wena; Alakanya a xitsunga xa Zioni, lexi u tshamileko ka xona.

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Mavingu 16:4

Jehova i mahile zilo zontlhe lezaku ziva ni ntiro wo kari, na, ni loyi wa kubiha i mahelwe siku ga kubiha.

Isaya 19:25

Jehova wa tiyimpi i ta va katekisa, aku: Gi katekile a Gipite, a tiko ga mina, na Assiria a ntiro wa mandla ya mina, na Israeli a tshomba ya mina.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 47:4

A Mutiruli wa hina a vito gakwe hi Jehova wa tiyimpi, Loyi a Basileko wa ka Israeli.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Isaya 51:15

Hakuva nzi Jehova a Nungungulu wa wena, Loyi a vindlusako a bimbi lezaku ma gobhoza a mabyandlati ya gona; A vito gakwe hi Jehova wa tiyimpi.

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Jeremia 10:12

Yena i vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo, Gen. 1:1, 6; Isa. 45:12

Jeremia 10:6

A nga kona a fananako na wena, O Jehova; U wa hombe, a vito ge wena ga hombe hi ntamu.

Jeremia 31:35

Jehova loyi a nyikako a gambo a ku woningela ni mumu, Loyi a vekileko a hweti ni tinyeleti a kuva zi woninga wusiku, Loyi a vindlusako a bimhi kasi a mabyandlati ya gona ma dzinza-dzinza; Jehova wa tiyimpi hi vito gakwe; i ngalo;

Jeremia 32:18

wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Jeremia 33:2

Ku wula Jehova loyi a tirako ntiro wakwe, Jehova loyi a wu longisako ni ku wu maha; Jehova hi vito gakwe: Ekso. 15:3

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 50:34

Kanilezi a mutiruli wabye ngwa ntamu, loyi a vito gakwe a nga Jehova wa tiyimpi. Hizinene i ta va yimela mhakeni yabye, kasi a vanga kurula laha misaveni, a vindlukisa a vaaki va le Babuloni.

Jeremia 51:19

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe.

Mikosi 3:24

Jehova xiavelo xa mina, ku wula muhefemulo wa mina, Hikwalaho nzi ta mu tsumba.

Amosi 4:13

Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.

Deuteronome 32:9

Hakuva xiavelo xa Jehova hi vanhu vakwe; Jakobe xiavelo xa tshomba yakwe. Ekso. 19:5; 1 Ped. 2:9