Jeremia 10:12 - Tshwa Bible

¹² Yena i vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo, Gen. 1:1, 6; Isa. 45:12

Jeremia 10:12 Mawu Ofanana

Genesisi 1:1

A kusanguleni Nungungulu i lo vanga tilo ni misava.

Genesisi 2:5

Ku wa nga se kuva kona a zimilwa za khwati misaveni, hambu ni khubyanyi gontlhe ga khwati gi wa nga se nga mila, hakuva Jehova Nungungulu i wa nga se nga nisa vula laha misaveni, ku wa nga se kuva kona a munhu wa ku rima misava,

1 Kronekele 16:26

Hakuva a vanungungulu vontlhe va matiko zifananiso ntsena, Kanilezi Jehova i mahile a matilo.

Joba 26:7

Yena wa andlala Nwalungu hehla ka wutshamu gi nga hiko na nchumu; A hayeka misava laha ndengelengeni.

Joba 37:18

Wa zi kota ku andlalata a tilo khwatsi hi yena; U gi tiyisa kukotisa a woni gi nyekisilweko ke?

Joba 9:8

Hi yena ha yece a tshambulutako matilo, A fambako hehla ka mabyandlati ya bimbi.

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Tisimu 104:24

Jehova, yi talisile kuyini a mitiro ya wena! U yi mahile yontlhe hi wutlhari; A misava yi tele hi zivangwa za wena.

Tisimu 119:90

A kutsumbeka ka wena ku tsonzoma ka xizukulwana ni xizukulwana. U seketele misava, yi tshama yi tiyile.

Tisimu 24:2

Hakuva yena i yi seketele hehla ka mabimbi, Ni ku yi tiyisa hehla ka mintalo.

Tisimu 33:6

A matilo ma mahilwe hi gezu ga Jehova, Ni yimpi yontlhe ya wona hi kuhefemula ka nomu wakwe:

Tisimu 65:7

Loyi u miyetako a kugobhoza ka bimbi, A kugobhoza ka mabyandlati ya gona, Ni vilinganya ya matiko.

Tisimu 78:69

I akile a wutshamu gakwe ga kubasa gi tlakuka khwatsi i tilo, Gi tiya kota misava leyi a yi tiyisileko kala kupinzuka.

Tisimu 93:1

Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

Mavingu 3:19

Hi wutlhari Jehova i lo yimisa misava, i kupimisisa i lo yimisa matilo.

Mavingu 30:4

Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Isaya 40:22

Hi yena a tshamileko le hehla ka ranzani ga misava, Ni vaaki va yona vaku khwatsi i bhanzala. Hi yena a andlalako matilo khwatsi o andlala veli, A ma gwimba kota tenda a kuva wuakelo. Joba 9:8; Tis. 104:2

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Jeremia 10:13

Loku a tlakusa a gezu gakwe A mati ma dzuma le matilweni, A maha marefu mata hi le magunweni ya misava; I rumela zingwalangwanza zinwe ni vula, Ni ku humesa a mheho lomu mabakweni yakwe.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Johani 1:3

Zilo zontlhe zi lo mahiwa hi yena; hi lahandle kakwe a ku mahiwangi nchumu xikari ka lezi zi mahilweko.

Va le Kolosi 1:16

Hakuva a zilo zontlhe zi vangilwe ha yena, le tilweni ni laha misaveni, a zilo zi woniwako ni lezi zi nga woniwiko, kutani zitshamu za wuhosi, kutani mifumo, kutani vafumeli va mimoya, kutani mintamu; zontlhe zi vangilwe hi yena, zi vangelwa yena. Joh. 1:3; Rim. 11:36; 1 Ped. 3:22