Jeremia 10:10 - Tshwa Bible

¹⁰ Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 10:10 Mawu Ofanana

Genesisi 21:33

Abrahama i lo byala a tisinya le Berexeba, i lo khongela laho a vito ga Jehova. Nungungulu wa pinzukelwa.

1 Tihosi 18:39

Laha vontlhe vanhu va nga wa zi wona, va lowa hi tinghohe tabye, vaku: Jehova i Nungungulu! Jehova i Nungungulu!

1 Tihosi 8:60

kasi wontihe matiko ya laha misaveni ma fela ku zi tiva lezaku Jehova hi Nungungulu, ni lezaku a nga kona munwani. Deut. 4:35, 39

1 Kronekele 29:11

Ga wena Jehova a wukulu ni ntamu, ni wudumo, ni kubasa, ni wuhosi, hakuva zontlhe lezi zi nga le tilweni ni laha misaveni za wena; a mufumo ngwa wena Jehova, wena loyi u tlakukileko, u hi hosi hehla ka zilo zontlhe! 1 Tim. 1:17; Kuv. 4:11; 5:12

2 Kronekele 15:3

Xikhati xo leha a va ka Israeli na va nga hi na Nungungulu wa zinene, ni mupristi wa ku va gonzisa, ni kambe va wa hi handle ka nayo.

Joba 9:6

Loyi a tsekatsekisako misava wu tshanwini ga yona, Ni timhanze ta yona ti ninginizwa.

Tisimu 10:16

Jehova i Hosi kala kupinzuka ni kupinzuka; A vamatiko va lobyiswa tikweni gakwe.

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Tisimu 100:5

Hakuva Jehova i nene, a wuxinji gakwe ga kala kupinzuka, Ni kutsumbeka kakwe ku simamisa zizukulwaneni zontlhe.

Tisimu 104:32

I cuwuka misava, yi rurumela, A khumba zitsunga, zi huma musi.

Tisimu 114:7

Wena misava, rurumela mahlweni ka Hosi, Le mahlweni ka Nungungulu wa Jakobe;

Tisimu 145:13

A mufumu wa wena ngwa kala kupinzuka, Ni wuhosi ga wena gi simama zizukulwaneni zontlhe. Dan. 4:3; 4:34; 6:26; 7:14

Tisimu 146:6

Loyi a nga maha tilo ni misava, Ni bimbi ni zontlhe zi nga ka zona; Loyi a tsumbekako kala kupinzuka. Miti. 14:15; Kuv. 14:7

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 29:10

Jehova i wa fuma xikhatini xa Ntalo; Ina, Jehova i tava Hosi kala kupinzuka. Gen. 6:17

Tisimu 31:5

Nza nyikela a moya wa mina canjeni ga wena; U nzi tirulile, wena Jehova, Nungungulu wa lisine. Lu. 23:46; Miti. 7:59

Tisimu 42:2

A muhefemulo wa mina wuzwa tora ha Nungungulu, ha yena Nungungulu a hanyako; Hi rini nzi ta ngata nzi ta woneka mahlweni ka Nungungulu ke?

Tisimu 68:11

A Hosi yi lo zwata a gezu, Xa hombe a xidlemo xa vavasati va bako hungu ga kutsaka; Ekso. 15:20; 1 Sam. 18:6

Tisimu 68:8

A misava yi lo tsekatseka, Ni matilo ma lo nyeka mahlweni ka Nungungulu. Na Sinai i lo rurumela mahlweni ka Nungungulu, A Nungungulu wa Israeli. Ekso. 19:16, 18; Vala. 5:4

Tisimu 74:12

Hakuva, Nungungulu, u Hosi ya mina kusukela kaleloko, Hi wena u hanyisako laha misaveni.

Tisimu 76:7

Wena wa chaveka; Himani a nga yimako mahlweni ka wena loku u zangarile ke?

Tisimu 76:8

U lo zwata a kulamula ka wena hi le tilweni, A misava yi lo chava, yi miyela,

Tisimu 77:18

A kudzinza ka wena ku lo zwala lomu ka xipupuri, A zingwalangwanza zi lo woningela misava; Ni misava yi lo rurumela, yi tsekatseka.

Tisimu 84:2

A muhefemulo wa mina wa xuva, ina, wa navela a ziluvelo za Jehova; A mbilu ya mina ni miri wa mina za rilela hi kutsaka ka Nungungulu a hanyako.

Tisimu 9:8

I ta lamula misava hi kululama, I ta lamula matiko hi nongameto. Miti. 17:31

Tisimu 90:11

Himani a tivako a ntamu wa zanga ya wena? Ni kuholova ka wena, lezaku kasi a chava wena kota lezi ku faneleko.

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Tisimu 93:2

A xitshamu xa wena xa wuhosi xi tiyile kusukela kaleloko, Wena u wa wupinzukelwa. Isa. 44:6

Tisimu 97:4

A kuhatima kakwe ku woninga misava, A misava ya ku wona, yi rurumela.

Isaya 37:17

Jehova, kangatela a ndleve ya wena, u ingisa; Jehova, vulula mahlo ya wena u wona. Zwana timhaka tontlhe ta Sennakeribe leti a ti rumeleko ku ta rukatela ha tona a Nungungulu a hanyako.

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 40:15

Langutani, a matiko me khwatsi i dona ga mati gi donelako fukweni, Ma ku khwatsi i tshuri wa lomu xikalwini; Ni matiko ya laha bimbini ma fanana ni tsutsungwani laha ndengelengeni.

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 65:16

Kasi ni wihi loyi a ti katekisako laha misaveni I ta ti katekisa hi Nungungulu wa zinene; Ni wihi lomu tikweni a ta nga hlambanya, I ta hlambanya hi Nungungulu wa zinene. Hakuva a makhombo ya kale ma rivelwe, Ma fihlilwe mahlweni ka mina.

Jeremia 23:36

A nzhwalo wa Jehova mu nga ta ha wu kumbuka kambe; hakuva a mhaka ya munwe ni munwani yi tava nzhwalo wakwe; kota lezi mu soholotileko a timhaka ta Nungungulu a hanyako, ta Jehova wa tiyimpi a Nungungulu wa hina.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Jeremia 50:46

A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Jeremia 51:29

A misava ya rurumela, yi le kubayisekeni; hakuva a makungo ya Jehova ya ku hahlula a tiko ga Babuloni, gi ngavi na vaaki, ma maheka.

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Mika 1:4

A zitsunga zi ta nyeka lahasi kakwe, ni mikova yi ta khayeka khwatsi i sera mahlweni ka nzilo, ni kukotisa mati loku ma halatwa laha nzhelelweni. Ekso. 19:18; Am. 9:5

Nahume 1:5

A zitsunga za tsekatseka: mahlweni kakwe, ni miganga ya nyeka; a misava ya kukumuka mahlweni kakwe, a tiko ni zontlhe, zi tshamako ka gona. Ekso. 19:18; Joeli 3:16; Mika 1:4

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Malaki 3:2

Kanilezi himani a nga tiyelako a siku ga kuta kakwe? Himani a ta nga yima a kutani kakwe? Hakuva yena i ta kotisa a nzilo wa munyekisi, ni ku kotisa a sabawu ya vahlazi.

Mateu 16:16

Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.

Maheberu 10:31

Za chavisa a ku wela mandleni ya Nungungulu a hanyako. Lu. 12:5

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Valamuli 5:4

Jehova, laha u nga huma hi le Seire, A kufeni ka wena hi le tikweni ga Edome, A misava yi lo tsekatseka, a matilo ma dona, Ina, a marefu ma lo chulula mati. Ekso. 19:16; Deut. 2:3

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.