Jeremia 1:18 - Tshwa Bible

¹⁸ Hakuva, nyamutlha nzi ku mahile a kuva a muti wa khokhola, ni mhanze ya xiketse, ni khurisi ga suku a mahlweni ka tiko gontlhe, a mahlweni ka tihosi ta ka Juda ni tihosana ta kona, ni mahlweni ka vapristi ni vanhu va tiko.

Jeremia 1:18 Mawu Ofanana

Isaya 50:7

Hakuva Hosi Jehova i ta nzi vunetela, Hikwalaho nzi wa nga wiswangi tingana; Nzi lo maha nghohe ya mina yi fanana ni ribye, Nza zi tiva lezaku nzi nga tawa tingana.

Jeremia 1:17

Hikwalahoke, ti bohe a xiwunu xa wena, u yima, u va byela zontlhe lezi nzi ta nga ku laya zona. U nga dzuki u chava a mahlweni kabye, ku nga taku nzi ku chavisa mahlweni kabye. Lu. 12:35; Efe. 6:14; 1 Ped. 1:13

Jeremia 1:19

Va talwa na wena, kanilezi va nga ta ku hlula; ihakuva mina nzi zinwe na wena, kasi ku ku ponisa, ku wula Jehova.

Jeremia 15:10

Yowe mina, mamani wa mina zanga, loyi u nzi psweleko, Mina munhu wa mazunga ni tiphika ka gontlhe tiko! A nzi se ku pembisa nchumu hi kota ya bhinzu, Ni vanhu a va nzi pembangi nchumu; Hambu zi hi tano, vontlhe va nzi rukatela. Joba 3:1; 10:18

Jeremia 15:20

Nzi ta ku maha uva khurisi ga suku a ka tiko legi; Va talwa na wena, kanilezi va nga ta ku hlula; Ihakuva mina nzi zinwe na wena, Kasi ku ku ponisa, ku wula Jehova.

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Jeremia 21:4

Jehova, a Nungungulu wa ka Israeli i ngalo: Langutani, nzi ta tlhelisela a matlhari lawa ma nga mandleni ya nwina, lawa mu lwako ha wona le handle ka tigingitsi mu vukela a hosi ya Babuloni ni maKaldea lava va mu vimbezeleko, nzi ta ma hlengeletela a mutini lowu.

Jeremia 26:24

Kanilezi a woko ga Ahikamu, a nʼwana Xafani, gi wa hi zinwe na Jeremia, lezaku a nga nyikelwi mandleni ya vanhu a dawa. 2 Tih. 22:12, 14

Jeremia 34:3

Wena u nga ta pona canjeni gakwe, futsi u ta khomiwa u nyikelwa a canjeni gakwe; u ta wonana ni hosi ya Babuloni, yena i ta xuxa na wena nomu ni nomu, zonake u taya Babuloni.

Jeremia 37:7

Jehova a Nungungulu wa Israeli i ngalo: Byelani hosi ya ka Juda loyi a nga mu rumela ka mina a ku ta nzi wutisa, muku: A yimpi ya Faro leyi yi humeleko a kuta mu vuna, yi ta tlhelela a tikweni ga yona a Gipite.

Jeremia 38:18

Kanilezi loku u nga humi u ya ti nyikela ka tihosana ta hosi ya Babuloni, a muti lowu wu ta nyikelwa canjeni ga maKaldea, va wu hisa hi nzilo, na wena u nga ta pona mandleni yabye.

Jeremia 38:2

Jehova i ngalo: Loyi a to sala mutini lowu i tafa hi supado, ni ndlala ni ntungu; kanilezi loyi a to pfowolela ka maKaldea i ta hanya, i taku khwatsi o wutla a wutomi gakwe a hanya.

Jeremia 42:22

Hikwalaho zi tiveni khwatsi lezaku mu ta dawa hi supado, ni ndlala ni ntungu, a wutshanwini legi mu lavako ku ya luvela ka gona.

Jeremia 6:27

Nzi ku vekile a kuva mukambi wa tiko ga mina, ni kuva khokhola; lezaku u tiva ni ku ringa a kufamba kabye.

Johani 1:42

I lo mu neha ka Jesu. Jesu i lo mu cuwuka aku ngalo: Hi wena Simoni, nʼwana Johani; u ta vitanwa ku ngalo, Kefasi, (hi kutlhamusela ku ngalo, Pedro). Mat. 18:18

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22