Jeremia 1:15 - Tshwa Bible

¹⁵ Hakuva nzi ta ramba a tixaka tontlhe ta matiko ya le Nwalungu, ku wula Jehova; linwe ni linwani li ta ta yimisa xitshamu xa wuhosi xa lona laha tinyangweni ta Jerusalema, kasi ku vukela a makhurisi ma ranzelekeleko muti, ni ku vukela a miti yontlhe ya ka Juda.

Jeremia 1:15 Mawu Ofanana

Isaya 22:7

A mikova ya wena yo saseka nguvu yi ta tala hi tikareta, A vakhileli va mahaxi va xaxamele le nyangweni.

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Jeremia 10:25

Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 13:20

Tlakusani mahlo ya nwina, mu wona lava va tako hi le Nwalungu. Wu kwihi a ntlhambi lowu u nga nyikilwe wona, A ntlhambi wa wena wo saseka ke?

Jeremia 25:28

Kanilezi loku va ala ku teka a gombe mandleni ya wena vanwa, u taku kabye: Jehova wa tiyimpi i ngalo: Hizinene mu yimelwe hi kunwa!

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 33:10

Jehova i ngalo: A ka wutshamu legi nwina mu nge xiwula, gi nga hiko na munhu hambu xihari, ni le mitini ya Juda, ni lomu maruweni ya Jerusalema lawa ma gohetelweko lezaku ku nga hi na munhu kona, hambu ni muaki ge ni xihari,

Jeremia 34:1

A mhaka leyi yi tileko ka Jeremia hi ka Jehova, laha Nebukadnezzare hosi ya Babuloni ni yontlhe a yimpi yakwe, ni yontlhe a mifumo ya misava leyi yi nga fumiwa hi yena, ni matiko wontihe va ngalwa va vukela Jerusalema ni yontlhe a miti ya gona, 2 Tih. 25:1

Jeremia 34:22

Languta, nzi ta va leletela lezaku va wuyela ka lowu muti, ku wula Jehova, va talwa nawo, va wu khozisa, va wu hisa hi nzilo; ni miti ya ka Juda nzi ta yi maha xiwula, ku nga hi na muaki ka wona. 2 Tih. 25:9; Jer. 37:8

Jeremia 39:3

ku enghena tontlhe a tihosana ta hosi ya Babuloni ti lo ya yima nyangweni ya laha xikari, va nga vaNergal-xarezeri, na Samgar-nebo, na Sarsekimu, na Rab-sarisi, na Nergal-xarezeri, ni wahombe wa titlhari, ni tontlhe tinwani tihosana ta hosi ya Babuloni.

Jeremia 4:16

Byelani matiko, mu tivisa Jerusalema, Lezaku a vavimbezeli vata hi le tikweni ga le kule, Va huwelela hi magezu yabye a ku vukela a miti ya ka Juda.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Jeremia 43:10

uku kabye: Jehova wa tiyimpi a Nungungulu wa Israeli, i ngalo: Nzi ta vitanisa Nebukadrezzare a hosi ya le Babuloni, a nanza ga mina, nzi ta yimisa a xitshamu xakwe xa wuhosi hehla ka maribye lawa nzi ma fihlileko; i ta gwimba a tenda gakwe ga wuhosi hehla ka wona.

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 46:24

A nhwana wa Gipite i ta wiswa tingana, I ta nyikelwa mandleni ya vanhu va le Nwalungu.

Jeremia 5:15

Mangabye nwina yindlu ya ka Israeli, rizi ta mu tisela a tiko ga le kule, ku wula Jehova: a tiko ga ntamu a tiko ga kale, legi u ta nga kohlwa hi lirimi la gona, u nga ta zi pima lezi va zi wulawulako. Deut. 28:49; Isa. 5:26

Jeremia 6:22

Jehova i ngalo: Langutani, a vanhu va tako hi le tikweni ga le Nwalungu, A tiko ga hombe gi ta vuka le magemetamusi ya misava. Deut. 28:49

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Mikosi 5:11

Va pfinyele vavasati le Zioni, Ni vanhwana lomu mitini ya ka Juda.

Ezekieli 32:30

Ku na ni tontlhe tihosana ta Nwalungu, ni maSidoni wontihe lava va releleko ka vafileko; va na ni tingana hi kota ya chaviselelo lowu va wu mahileko hi ntamu wabye; va etlele ni lava va delweko hi supado na va hi makhuna, va rwala a tingana tabye zinwe ni lava va relelako nkeleni.

Joeli 2:20

Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.

Zakaria 6:6

A kareta leyi yi kokiwako hi mahaxi ya ntima yi famba tikweni ga Nwalungu, lawa yo basa ma lanzela hi lenzhako; lawa ya matlhakatlhaka ma loya tikweni ga le Dzongeni.