Jeremia 1:14 - Tshwa Bible

¹⁴ Jehova aku ka mina: A khombo gi tata hi le Nwalungu hehla ka vaaki vontlhe va misava.

Jeremia 1:14 Mawu Ofanana

Isaya 14:31

Kanyuluka, O nyangwa! Bana huwa, wena muti! Nyeka, wena tiko gontlhe ga Filistia; Hakuva ku huma musi hi le Nwalungu, Ku nga tava kona musali wa lenzhako yimpini ya valala.

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Jeremia 11:17

Hakuva Jehova wa tiyimpi loyi a nga ku byala, i ta rumela makhombo hehla ka wena, hi kota ya kubiha loku ku mahilweko hi yindlu ya ka Israeli ni yindlu ya ka Juda, va nzi zangarisa hi ku hisa a libani ka Baali.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 31:8

Nzi ta va wuyisa hi le tikweni ga Nwalungu, Nzi va tsombanyisela hi le magemeta-musi ya misava; Zinwe navo ku ni zikhumu ni zilema, A va tinyimba ni loyi a ha lunwako; Va ta wuya na va hi xidlemo xa hombe.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Jeremia 46:20

Gipite i thokazi go saseka nguvu, Kanilezi a bhawani gata hi le Nwalungu.

Jeremia 47:2

Jehova i ngalo: Languta, a mati ma kukumuka le Nwalungu, Ma ta maha a congo wu khulungako; A tiko ga talelwa ni zontlhe zi nga ka gona, A muti ni lava va nga ka wona. A vanhu va taba huwa, Ni vaaki vontlhe va lomu tikweni va ta rila.

Jeremia 50:41

Languta, a vanhu va tako hi le Nwalungu, a tiko ga hombe ni tihosi to tala ti ta vuka hi le magemetamusi ya misava.

Jeremia 50:9

Hakuva nzi ta vuxela Babuloni a tsombano wa matiko ya hombe ya tlhelo ga Nwalungu. Va ta hloma va mu vukela, va mu hlula. A tigalala tabye ti ta fanana ni ta nhenha ji tlharihileko, leyi yi nga tlheliko mahala.

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Jeremia 6:22

Jehova i ngalo: Langutani, a vanhu va tako hi le tikweni ga le Nwalungu, A tiko ga hombe gi ta vuka le magemetamusi ya misava. Deut. 28:49

Ezekieli 1:4

Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku.

Ezekieli 24:3

Wulawula hi mufananiso ka yindlu ya vahluwuki, uku: Hosi Jehova i ngalo: Xungeta a mbita, yi kungete u chela mati.

Joeli 2:20

Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.

Zakaria 6:6

A kareta leyi yi kokiwako hi mahaxi ya ntima yi famba tikweni ga Nwalungu, lawa yo basa ma lanzela hi lenzhako; lawa ya matlhakatlhaka ma loya tikweni ga le Dzongeni.