Jeremia 1:10 - Tshwa Bible

¹⁰ Nyamutlha nzi ku yimisile hehla ka matiko ni hehla ka mifumo, lezaku u tsuwula, ni ku khungumula, ku hahlula ni ku wisa, ku aka ni ku byala. Jer. 5:14; 2 Kor. 10:4

Jeremia 1:10 Mawu Ofanana

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

1 Tihosi 19:17

Kasi loye a ta nga pona a supado ya Hazaeli, i ta dawa hi Jehu. Ni loyi a ta nga pona a supado ya Jehu, i ta dawa hi Elixa.

Mutshawuteli 3:3

ku nani xikhati xa ku daya, ni xikhati xa ku chuma; a xikhati xa ku khungumula, ni xikhati xa ku aka;

Jeremia 1:5

Nzi ku tivile na nzi nga se ku ku wumba lomu rumbyini ga mamani wa wena; nzi lo ku hlawula na u nga se ku huma nyimbeni, nzi ku wumbele a kuva muprofeti wa matiko. Isa. 49:1; Gal. 1:15

Jeremia 24:6

Nzi ta va langutela hi ku xalala, nzi ta tlhela nzi va wuyisa ka legi tiko. Nzi ta va akisa, nzi nga va wisi hasi; nzi ta va byala, nzi nga va tsuwuli.

Jeremia 25:13

Nzi ta tatisa hehla ka tiko lego tontlhe a timhaka ta mina, leti nzi ti wulileko ha gona, zontlhe lezi zi tsalilweko ka legi bhuku, lezi Jeremia a profetileko hi wontihe lawa matiko.

Jeremia 31:28

Khwatsi hi lezi nzi nga va rinzela kasi ku va tsuwula, ni ku ya pswhandlasa, ni ku va wisa, ni ku va hahlula, ni ku va xanisa; lezo nzi ta va languta loku va aka ni ku byala, ku wula Jehova.

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

Jeremia 44:27

Nza va xiyelela kasi ku va mahela kubiha, na ku nga hi kusasa. A vanhu vontlhe va ka Juda va nga lomu tikweni ga Gipite va ta dawa hi supado ni ndlala, kala va mbhela.

Jeremia 45:4

U ta wula lezi ka yena, uku, Jehova i ngalo: Lexi nzi xi akileko nzi ta xi khungumula, ni lexi nzi xi byalileko nzi ta xi tsuwula, ziva tano misaveni yontlhe.

Ezekieli 21:19

Wena nʼwana wa munhu, ti yimisele tindlela timbiri leti ku ta ngata ha tona a supado ya hosi ya Babuloni; hi wumbiri ga tona ti ta huma hi tiko ginwe. Tsala a xikombiso, u xi veka laha mahanzakanyeni ya ndlela yi yako mutini.

Ezekieli 23:36

Jehova a engeta aku ka mina: Nʼwana wa munhu, u ta lamula Ohola na Oholiba ke? Loku zi hi lezo va tivisa a manyalataniso yabye.

Ezekieli 32:18

Nʼwana wa munhu, rilela a xidlemo xa maGipite, u xi hoxa, yena ni vanhwana va matiko laʼya ntamu lahasi ka misava zinwe ni lava va relelako nkeleni.

Ezekieli 36:36

Zonake a matiko lawa ma seleko kusuhani na nwina ma ta zi tiva lezaku hi mina Jehova nzi vuxileko a matshamu ma khungumulweko, nzi byala lezi zi nga hi xiwula; mina Jehova nzi zi wulile, nzi ta zi maha.

Ezekieli 43:3

A muwoniso lowu wu wa fanana ni lowu nzi wu wonileko laha nzi ngata ku ta lovisa a muti; ni ku fanana ni lowu nzi nga wu wona laha congweni wa Kebare. Nzi lowa lahasi hi nghohe ya mina.

Hosea 6:5

Hikwalaho nzi va tlhavile hi vaprofeti, nzi va dele hi timhaka ta nomu wa mina; a kulamula ka mina ku khwatsi kuwonekela loku ku humako.

Amosi 3:7

Futsi Hosi Jehova a nga zi koti ku maha nchumu na a nga se ku tivisa a malanza yakwe, va nga vaprofeti.

Amosi 9:11

Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.