Jakobe 5:7 - Tshwa Bible

⁷ Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14

Jakobe 5:7 Mawu Ofanana

Jeremia 5:24

A va wuli timbilwini tabye ku: A hi chaveni Jehova Nungungulu wa hina, loyi a nyikako vula yo ranga ni ya wuxika hi tinguva ta yona, a wihi a hi hlayiselako a maviki ya kutshovela ka hina. Deut. 11:14; Miti. 14:17

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Zakaria 10:1

Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 16:28

Hizinene nziku ka nwina: Va kona vanwani va yimileko laha, va ta nga kala kuzwa kufa, va kala va wona a Nʼwana wa munhu na ata mufunweni wakwe. Mar. 9:1; Lu. 9:27

Mateu 24:27

Hakuva kota lezi a kuhatima ku humako hi Mutsuwuka-gambo, ku woneka ni le Muhlwa-gambo, ku tava nghaho a kuwuya ka Nʼwana wa munhu.

Mateu 24:44

Hikwalaho na nwina, tshamani mu longile, hakuva a Nʼwana wa munhu wata hi xikhati lexi mu nga xi alakanyiko.

Luka 18:8

Nziku ka nwina: I ta va photela hi kuhatlisa. Ahemba-lokoke, laha Nʼwana wa munhu a ta nga wuya, i ta ta kuma kukholwa misaveni ke? Maheb. 10:37; 2 Ped. 3:8, 9

Luka 21:27

Zonake va ta wona Nʼwana wa munhu na ata hi refu, a hi ni ntamu ni kungangamela ka hombe. Mat. 24:30; Kuv. 1:7; 14:14

Luka 8:15

Kanilezi leyi yi weleko misaveni yo saseka, hi vona lava na va zwile a mhaka, va yi hlayisa hi mbilu yi nene ni yi longamileko, va pswala mihanzu hi kutimisela.

Johani 21:22

Jesu aku ngalo kakwe: Loku nzi ranza lezaku a tshame nzi kala nzi wuya, xi yini lexi ka wena ke? Wena nzi lanzele. Mat. 16:27; 1 Kor. 4:5; 11:26; Kuv. 2:25; 3:11; 22:7, 20

Johani 21:23

Hikwalaho a mhaka leyi yi lo hangalaka xikari ka vamakabye, lezaku loye mupizani a nga tafa; kanilezi Jesu a nga mu byelangi ku ngalo a nga tafa; kanilezi, Loku nzi ranza aku a tshame nzi kala nzi wuya, xi yini lexi ka wena ke?

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

Va le Roma 2:7

I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7

1 Va le Korinte 1:7

a kuva mu nga vumali xinyikiwo ni xinwe xa ka moya, na mu kari mu rinzela a kuwonekeliswa ka Hosi ya hina Jesu Kristu;

Va le Galatia 5:5

Hakuva hina hi rinzela hi Moya hi ku kholwa, a kululama loku hi ku lavelelako. Rom. 8:24

Va le Galatia 6:9

Ngha hi nga karali a ku maha lezi zi nene; hakuva loku hi nga rereki hi ta tshovela hi xikhati xi faneleko. Mat. 24:13; 2 Tes. 3:13

Deuteronome 11:14

nzi ta nyika a vula ka tiko ga nwina hi tinguva ta kona, a vula ya tsangela nguva, ni vula yo gumesa; u ta hula a mbewu ya wena, ni vinya ga wena, ni mafura ya wena. Jer. 5:24; Joeli 2:23

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41

1 Va le Tesalonika 1:3

Xontlhe xikhati hi alakanya a ntiro wa nwina wa kukholwa, ni kupinyama ka liranzo, ni kutiya ka nwina kutsumbeni ka Hosi ya hina Jesu Kristu, a mahlweni ka Nungungulu a Dadani wa hina. Joh. 6:29; Gal. 5:6; Xip. 3:6; 2 Tes. 1:11; Maheb. 6:10; Jak. 2:17

1 Va le Tesalonika 2:19

Hakuva xini a kutsumba ka hina, kutani kutsaka ka hina, kutani a xidlodlo lexi hi ti kulisako ha xona mahlweni ka Hosi ya hina Jesu a kuwuyeni kakwe? A hi yena nwina ke? Kuv. 1:7; 22:12; 1 Kor. 15:23; Xip. 3:13

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

Maheberu 6:15

Zinghaho Abrahama na a timisele hi lihlaza-mbilu, i lo kuma lezi a tsumbisilweko zona.

Jakobe 4:11

Mu nga hlevani, vamakabye. Loyi a hlevako makabye, kutani a lamula makabye, yena i hleva nayo, a lamula nayo; kanilezi loku u lamula nayo, a ku mumahi wa nayo, kanilezi u mulamuli wa wona. Mat. 7:1; Rom. 2:1; Efe. 4:31

Jakobe 5:10

Vamakabye, a kutimisela ni lihlaza-mbilu la vaprofeti lava va nga wulawula vitweni ga Hosi, a zive xiwonelo xa nwina. Mat. 5:12

Jakobe 5:3

A nzalama ya nwina ni siliva zi kurukile; a kukuruka ka zona ku tava wukustumunyu go mu vukela, ku taga a nyama ya nwina kota nzilo. Nwina mu ti hlengeletele a titshomba masikwini yo gumesa. Rom. 2:5

2 Pedro 3:4

vaku: Hi kwihi a kuwuya kakwe ku tsumbisilweko ke? Hakuva cima ka lezi vadadani va nga etlela, zontlhe za ha tshamisile zalezo zi nga tshamisile zona hi le kusanguleni ka kuvangiwa.