I lo hlokiswa, hambu lezi a nga ti tsongahata, Na a nga vululi nomu wakwe; Khwatsi hi yivana leyi yi gulelwako kutlhabyiweni, Ni yivu leyi yi miyelako mahlweni ka mukayi, Hizalezo a nga vululangi nomu wakwe. Mat. 23:63; Joh. 1:29; Miti. 8:32
Kanilezi a varimi, laha na va wonile a nʼwana wakwe, vaku xikari kabye: Hi yena mugi wa tshomba, ngonani, hi mu daya, higa tshomba yakwe. Tis. 2:2, 8; Joh. 11:53
kanilezi mina nziku ka nwina: Mu nga tsimbeteli loyi wa kubiha; kanilezi kani hi mani a ku phakatako a rama ga xinene, hunzuluka u mu nyika ginwani kambe. Isa. 50:6; Lu. 6:29; Rom. 12:17, 19
Yena aku: Nungungulu wa vakoko va hina i ku hlawule a kuva u tiva a kuranza kakwe, u wona loyi wa Kululama, ni kuzwa a gezu ga nomu wakwe. Xip. 3:13, 14; 5:30; 1 Kor. 9:1; 11:23
Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;
Makunu a wutshamu ga lomo mitsalweni legi a nga kari a gonza hi legi: I lo yiswa kutlhabyiweni kota yivu, Khwatsi hi yivana leyi yi miyelako mahlweni ka mukayi wa yona, Lezo a nga vululangi nomu wakwe. Isa. 53:7
Kanilezi nwina mu kanyisa loyi a vumalako. Xana lava ya fumileko a hi vona va mu xanisako ke, a hi vona va mu kokoviselako tihubyeni ke? Miti. 13:50; 17:6
Mu tele hi kumbilukela, kanilezi a mu na nchumu; ma daya, mu navela, kanilezi a mu na ku zi kuma; ma kanetisana ni ku holova, kanilezi a mu na nchumu, hakuva a mu kombeli.
