Jakobe 5:4 - Tshwa Bible

⁴ Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Jakobe 5:4 Mawu Ofanana

Genesisi 4:10

Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

Joba 34:28

Zinghaho va maha kurila ka zisiwana kuta kakwe, Lezaku azwa kurila ka laʼva nga hlomulweni. Ekso. 22:23

Joba 7:2

Khwatsi hi khumbi yi navelako a nzhuti, Ni xitiri xi xuvako hakhelo ya ntiro wa xona.

Tisimu 9:12

Hakuva a muphoteli wa nkhata i lo va alakanya; A nga rivali a huwa ya lava va nga khombyeni.

Eksodusi 22:27

Hakuva a nga na kumba wunwani, hi xona a xifenengelo xa miri wakwe, makunu i ta fenengela yini? Hikwalaho loku a rila ka mina, mina nzi ta mu ingisa, hakuva nzi na ni tipswalo.

Eksodusi 3:9

Makunu a kurila ka vanana va ka Israeli ku chikele ka mina; nzi wonile a kuxaniseka loku a vaGipite va va xanisako ha koha.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 5:9

Jehova wa tiyimpi i wulile tindleveni ta mina, aku: Hizinene, a tiyindlu tinyingi ti ta hahluka, A tiyindlu to saseka ni ta hombe ti ta vumala vanhu.

Jeremia 22:13

Khombo ka munhu loyi a akako yindlu yakwe hi kungalulami, Ni tikwaruto ta yona hi kusoholoka, Loyi a tirisako munhu-kulobye handle ka hakhelo, A nga mu rihi; Levi 19:13; Deut. 24:14; Jak. 5:4

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Habakuka 2:11

Hakuva a ribye gi ta kanyuluka na gi hi laha khurisini, ni naneko wu ta gi hlamula na wu hi le langweni.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 9:37

Hi laha a ngaku ngalo ka vapizani vakwe: A kutshovela ka hombe nguvu, kanilezi a zitiri zi tsongwani. Lu. 10:2; Joh. 4:35

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Va le Roma 9:29

Khwatsi hi lezi Isaya a nga wula hi kale, aku: Loku a Hosi yi wa nga hi siyelangi a vanana, Ngha hi fanene ni Sodoma, ni ku khwatsi hi Gomora. Isa. 1:9; 13:19

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.

Va le Kolosi 4:1

Nwina lava mu nga venyi, nyikani a malanza ya nwina lezi zi faneleko ni zi ringeneko, na mu tiva lezaku na nwinawu mu na ni Hosi le tilweni. Levi 19:13; Mal. 3:5; Efe. 6:9