Jakobe 5:3 - Tshwa Bible

³ A nzalama ya nwina ni siliva zi kurukile; a kukuruka ka zona ku tava wukustumunyu go mu vukela, ku taga a nyama ya nwina kota nzilo. Nwina mu ti hlengeletele a titshomba masikwini yo gumesa. Rom. 2:5

Jakobe 5:3 Mawu Ofanana

Genesisi 31:48

Labani i te ngalo: Makunu lexi xitsunzulu i kustumunyu xikari ka mina na wena. Hikwalaho a vito ga xona gi chulwa ku ngalo hi Galedi;

Genesisi 31:52

lexi xitsunzulu ngha xi hi kustumunyu, ni leyi mhinga ngha yi hi kustumunyu, lezaku nzi nga hunzi lexi xitsunzulu nzita ka wena, ni lezaku wenawu u nga hunzi lexi xitsunzulu ni leyi mhinga, uta ka mina hi wulala.

Genesisi 49:1

Zonake Jakobe i lo vitana a vana vakwe, aku: Tlhanganani nzi ta mu tivisa lezi zi ta nga mu humela zikhatini za ha tako.

Joba 16:8

U nzi khomile hi hlokiselelo, gi nga wukustumunyu ga ku nzi vukela; A kuwonza ka mina ku yimile mahlweni ka mina, ku nzi kecara.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Jeremia 19:9

Nzi ta va maha vaga a nyama ya vana vabye va xinuna ni va xisati, munwe ni munwani i taga a nyama ya xaka gakwe a xikhatini xa kuvimbezelwa kabye ni kumanyiwa kabye, loku va ta nga ku wa tshidi hi valala lava va hlotako a wutomi gabye. Levi 26:29; Deut. 28:53; Lu. 19:43

Mika 3:3

Kambe vaga a nyama ya vanhu va mina, va sunzuwula a dewu gabye, va tshova ni matambu yabye; ina, va va chupulela zipanzana khwatsi va laʼku chela mbiteni, khwatsi i nyama bhoteni.

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Mitiro 2:17

Ku ta maheka masikwini ya kugumesa, ku wula Nungungulu, Nzi ta chulula a Moya wa mina hehla ka nyama yontlhe; A varisanyana va nwina ni vanhanyana va nwina va ta profeta, A majaha ya nwina ma ta wona ziwoniso, Ni zikhosana za nwina zi ta lora miloro. Isa. 44:3; Ezek. 11:19; 36:27; Joeli 2:28; Zak. 12:10; Xip. 10:45; 21:9

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

2 Timote 2:17

A mhaka yabye yi ta vunjhukela kota khoro. A va kunghaho hi Himeneusi na Filetusi; 1 Tim. 1:20

Joxua 24:27

Zonake Joxua aku ngalo ka vanhu vontlhe: Langutani, ribye legi gi tava kustumunyu gi ta nga hi kecara, hakuva gi zwile tontlhe timhaka leti Jehova a wulileko ka hina, gi tava kustumunyu lezaku mu nga dzuki mu kaneta Nungungulu wa nwina.

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5