Jakobe 4:9 - Tshwa Bible

⁹ Xanisekani, muba nkosi, mu rila; ngha kuhleka ka nwina ku hunzulwa kuva xirilo, ni kutsaka ka nwina ku hunzulwa kuva hlomulo. Mat. 5:4

Jakobe 4:9 Mawu Ofanana

Nehemia 8:9

Nehemia, loyi a nga wa hi hosi ya kona, ni matsalani wa kona mupristi Ezra, ni vaLevi lava va nga wa hi vagonzisi va vanhu, va te ngalo ka vanhu vontlhe: A siku legi i siku gi basileko ka Jehova Nungungulu wa nwina. Mu nga mahi hlomulo, hambu ku rila. Hakuva a vanhu vontlhe va wa rila, laha va ngazwa a timhaka ta milayo. Levi 23:24

Joba 30:31

A xitende xa mina kambe xi hunzukile xiva xirilo; Ni tinanga ta mina ti hunzukile tiva magezu ya laʼva rilako.

Tisimu 119:136

A mahlo ya mina ma khulunga a micongo ya mati, Hakuva a va hlayisi nayo wa wena.

Tisimu 119:67

Na nzi nga se kuva hlomulweni nzi wa pengile, Kanilezi makunu nza gonga a mhaka ya wena.

Tisimu 119:71

Zi nzi sasekele a kuva nzi hlokiswa, Kasi nza gonza ziyimiso za wena.

Mavingu 14:13

A munhu wa zi kota ku hleka na a bayiseka mbilwini; anilezi a magumo ya kutsaka tingana.

Mutshawuteli 2:2

Nzite: A ku hleka kuhunguka; Niku: A kutsaka ku vuna yini ke?

Jeremia 31:13

Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Mikosi 5:15

A kutsaka ka timbilu ta hina ku mbhelile, A kukina ka hina ku hunzukile ku maha xirilo,

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 7:16

Kanilezi lava va pfowoleko, loku va pona va ta tshama lomu zitsungeni ku fanana ni matuva ya mikova, munwe ni munwani i ta tlhava nkosi hi kota ya kugoha kakwe.

Mateu 21:41

Va lo mu hlamula, vaku: I ta va lovisa vaku bhi a vanhu lava va kubiha; zonake i ta nyikela xivina ka vanwani varimi, lava va ta nga mu nyika a mihanzu hi tinguva ta yona. Lu. 21:24; Miti. 13:46

Mateu 5:4

Va katekile lava va rilako, hakuva va ta chavelelwa.

Luka 16:25

Kanilezi Abrahama aku ngalo: Nwananga, alakanya lezaku u amukele a makatekwa ya wena kuhanyeni ka wena, kanilezi Lazaru i amukele makhombo; makunu yena wa tangaliswa laha, kasi wena wa xaniseka. Joba 21:13; Xip. 6:24

Luka 6:21

Mu katekile nwina lava mu zwako ndlala lezi, hakuva mu ta xurisiwa. Mu katekile nwina lava mu rilako lezi, hakuva mu ta tsaka. Isa. 55:1; 65:13; Mat. 5:4, 6

Luka 6:25

Mu na ni khombo nwina lava mu xurileko lezi; hakuva mu tazwa ndlala. Mu na ni khombo nwina lava mu hlekako lezi; hakuva mu taba mikosi mu rila. Isa. 65:13