Jakobe 4:2 - Tshwa Bible

² Mu tele hi kumbilukela, kanilezi a mu na nchumu; ma daya, mu navela, kanilezi a mu na ku zi kuma; ma kanetisana ni ku holova, kanilezi a mu na nchumu, hakuva a mu kombeli.

Jakobe 4:2 Mawu Ofanana

1 Tihosi 21:6

Yena i te ngalo kakwe: Hi lezi nzi nga wulawula na Nabote a muJezreeli, nziku: Nzi xavisele a xivina xa wena hi mali, ni lezaku loku u zi ranza nzi ta ku nyika xinwani xivina wutshanwini ga lexi. Makunu yena i lo hlamula, aku: A nzi zi koti ku ku nyika a simu ga mina!

Mavingu 1:19

Ti nghaho tindlela ta vontlhelele lava va na nga ni mahlomi kuphangeni, akuva ku khoma wutomi ga vona venyi. 1 Tim. 6:10

Mutshawuteli 4:8

Ku kona munhu loyi a nga yece, a nga hi na wumbiri; loyi a nga hiko na nʼwana hambu nakulobye; hambu zi hi tano, a ntiro wakwe a wu na magumo, a mahlo yakwe a ma enelisiwi hi wukosi. I wula aku: Nzi ti karatela mani, nzi ti tsonela yini a makatekwa ke? Lezo kambe a zi nyawuli, i ntiro wo bhinza.

Isaya 7:12

Kanilezi Ahazi i te ngalo: Nzi nga ta kombela nchumu, a nzi lavi ku ringa Jehova.

Habakuka 2:5

Tlhatakumbiri, a vinya gi khohlisa, a wamatshanza a nga na ku tshamiseka mutini. I ahlamisa a nomu wakwe khwatsi Xeole, i na ni mahlokoti khwatsi hi lufo, wa ti tsombanyisela wontihe matiko, a ti hlengeletela tixaka tontlhe.

Johani 16:24

Cima ka lezi a mu se nga kombela nchumu vitweni ga mina; kombelani, mu ta nyikiwa, kasi a kutsaka ka nwina ku fela ku mbhelela.

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Jakobe 5:6

Mu konile loyi a lulamileko, mu mu daya; a nga mu ali.

1 Johani 3:15

Kani hi wihi a vengako makabye wakwe, mudayi; nwina ma zi tiva lezaku a ku kona mudayi a nga ni wutomi ga pinzukelwa, legi gi tshamileko ka yena. Mat. 5:21; Gal. 5:21; Kuv. 21:8