Jakobe 4:12 - Tshwa Bible

¹² Munwe ntsena a nga muyimisi wa milayo ni mulamuli; hi yena loyi a zi kotako ku hanyisa ni ku daya. Kanilezi hi wena mani loyi u lamulako a wakelene wa wena ke? Mat. 10:28; Rom. 14:4

Jakobe 4:12 Mawu Ofanana

Joba 38:2

Hi wena mani u gohako makungo Hi timhaka ti nga hiko na wutivi ke?

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Va le Roma 14:13

Hikwalaho ngha hi nga ha lamulani. Kanilezi lamulani lezaku munhu a nga veki xikhunguvanyiso ndleleni ya makabye wakwe, kutani xilo xo mu wisa. 1 Kor. 8:9

Va le Roma 14:4

Hi wena mani loyi u lamulako a nanza ga munwani ke? Loku gi yima, kutani gawa, i mhaka ya nwinyi wa gona. Ina, gi ta yima, hakuva a Hosi yi na ni ntamu ku gi yimisa. Jak. 4:12

Va le Roma 2:1

Hikwalaho wena munhu a ku na ku ti phendla, hambu u hi mani wena u lamulako vanwani; hakuva loku u lamula munwani wa ti kona wutsumbu, hakuva wena loyi u lamulako wa maha zalezo zilo.

Va le Roma 9:20

Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Jakobe 5:9

Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. Mat. 24:33; 1 Kor. 4:5

1 Samueli 25:10

Nabali i lo hlamula malanza ya Davida, aku: Xana himani Davida? Himani nʼwana Jese? Masiku lawa ma tele malanza ma pfowolako ka venyi va wona!