Jakobe 4:11 - Tshwa Bible

¹¹ Mu nga hlevani, vamakabye. Loyi a hlevako makabye, kutani a lamula makabye, yena i hleva nayo, a lamula nayo; kanilezi loku u lamula nayo, a ku mumahi wa nayo, kanilezi u mulamuli wa wona. Mat. 7:1; Rom. 2:1; Efe. 4:31

Jakobe 4:11 Mawu Ofanana

Tisimu 140:11

A munhu wa mawunwa ngha a nga humeleli misaveni; A munhu wa tihanyi i ta susumetelwa makhombyeni hi kubiha.

Luka 6:37

Mu nga lamuli, na nwina mu nga ta lamuliwa; mu nga koni, na nwina mu nga ta koniwa; tsetselelani, na nwina mu ta tsetselelwa. Mat. 7:1

Va le Roma 2:1

Hikwalaho wena munhu a ku na ku ti phendla, hambu u hi mani wena u lamulako vanwani; hakuva loku u lamula munwani wa ti kona wutsumbu, hakuva wena loyi u lamulako wa maha zalezo zilo.

Va le Roma 2:13

Hakuva a hi vazwi va nayo va nga lulamile mahlweni ka Nungungulu, kanilezi hi vamahi va nayo va ta nga hlayelwa kululama. Jak. 1:22

Va le Roma 7:7

Zonake hi taku yini? A nayo kuonha ke? Kokwihi! Ahembalokoke, ngha nzi nga ku tivangi a kuonha ahandle ka nayo; hakuva ngha nzi nga ku tivangi a kunavela, loku a nayo wu wa nga wulangi, wuku: U nga naveli, Ekso. 20:17; Xip. 3:20

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 12:20

Hakuva nza chava lezaku, loku nzita nzi ta ta mu kuma na mu nga hi lezi nzi zi ranzako, na nwinawu mu nzi kuma na nzi hi lezi mu nga zi ranziko; ni lezaku ku nga dzuka kuva kona kuholova, ni xiluse, ni zanga, ni kuhambana, ni mahlevo, ni kulumbetana, ni kutikukumukisa, ni mazolonga. 1 Kor. 4:21

Va le Efesusi 4:31

A titsheku tontlhe, ni khulo, ni zanga, ni guwa, ni wuxezi, ngha zi suswa ka nwina, zinwe ni mona wontihe.

1 Timote 3:11

Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.

2 Timote 3:3

lava va nga ranziko a va ka kabye, lava va nga tsetseleliko, a valumbeti, lava va nga tiviko ku ti khoma, lava va lunya, lava va nga ranziko zinene,

Titusi 2:3

Hizalezo ni vavasati va kale a vave ni matshamela ma khesekako, na va nga hi na mahlevo, va nga ti nyikeliko kunweni ka byala; kanilezi va gonzisa lezi za zinene; 1 Ped. 3:3, 4

Jakobe 1:16

Mu nga ti kanganyisi, vamakabye va mina va ranzekako.

Jakobe 1:19

Nwina ma zi tiva lezi vamakabye va mina va ranzekako. Kanilezi ngha munwe ni munwani a hatlisa kuzwa, a nonoka ku wulawulela nonoka ku zangara; Mav. 16:32; Kutsa. 5:1, 2

Jakobe 1:25

Kanilezi loyi a cuwukako nayweni wu mbheleleko, lowu wa kutlhatlheka, a nonohisa ka wona, na a nga hi muzwi a rivalako, kanilezi na hi loyi a tirako, a munhu loyi i ta katekiswa kumaheni kakwe; Joh. 13:17; 2 Kor. 3:18

Jakobe 2:8

Kanilezi mu maha khwatsi loku mu tatisa a nayo wa wuhosi, kota lezi Mitsalo yi nge ngalo: U ta ranza wakelene na wena kota lezi u ti ranzako wena. Levi 19:18; Mat. 22:39

Jakobe 5:10

Vamakabye, a kutimisela ni lihlaza-mbilu la vaprofeti lava va nga wulawula vitweni ga Hosi, a zive xiwonelo xa nwina. Mat. 5:12

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14

Jakobe 5:9

Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. Mat. 24:33; 1 Kor. 4:5

1 Pedro 2:1

Hikwalaho tsikani a kubiha kontlhe, ni kukanganyisa kontlhe ni kuxengetela, ni kunavela, ni mahlevo wontihe.