Jakobe 4:1 - Tshwa Bible

¹ Kuta hi kwihi a kulwa ni kukanetisana xikari ka nwina ke? Xana a ku humi kumbilukeleni loku ku lwako zirweni za nwina ke? Rom. 7:23; Gal. 5:17

Jakobe 4:1 Mawu Ofanana

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Va le Roma 7:23

Kanilezi nza wona munwani nayo zirweni za mina, lowu wu lwako ni nayo wa kupima ka mina, wu nzi kokela wukhumbini ga nayo wa kuonha lowu wu nga kona zirweni za mina.

Va le Roma 7:5

Hakuva laha hi nga ha hi nyameni, a kunavela ka kuonha loku ku nga hi kona hi kota ya nayo, ku lo tira zirweni za hina, lezaku hi humesa mihanzu ya kufa. Xip. 6:21; Gal. 5:19

Va le Roma 8:7

Hakuva a maalakanyo ya nyama wulala ka Nungungulu; hakuva a ma ingisi a nayo wa Nungungulu, futsi a ma zi koti.

Va le Galatia 5:17

Hakuva a nyama yi navela lezi zi lwako ni kunavela ka Moya, ni wona Moya wu navela lezi zi lwako ni kunavela ka nyama; lezi zimbiri za bangana; lezaku kasi mu nga mahi a zilo lezi mu zi ranzako. Rom. 7:15, 23

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

2 Timote 2:23

Kanilezi ala ku xuxa hi timhaka ta wupumbu leti ti nga vuniko nchumu; wa zi tiva lezaku ti vanga timholova.

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

Titusi 3:9

Kanilezi nyenya timhaka ta wupumbu, ni mabhuku ya ziloso, ni kukanetisana ni kulwa hi kota ya nayo, hakuva a zi na bhinzu, a zi vuni nchumu. 1 Tim. 1:4; 2 Tim. 2:23

Jakobe 1:14

Kanilezi munwe ni munwani i ringwa hi kunavela kakwe ntsena, a kokiwa ni ku xengwa.

Jakobe 4:3

Nwina ma kombela, kanilezi a mu amukeliswi; hakuva mu kombela hi kubiha, kasi ma fela ku zi hangalasa kunaveleni ka nwina. Isa. 1:15; Jer. 11:11; Mika 3:4

1 Pedro 1:14

Ngha mu maha vanana va kuingisa; lezaku mu nga lanzeli a kunavela ka nwina ka kale, laha mu nga kala mu nga se tiva nchumu.

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

2 Pedro 2:18

Hakuva hi ku wulawula a timhaka ta matshanza leti ti nga nyawuliko, va xengetela hi kunavela ka nyama ni wubhayi, a vanhu lava va ha ponako ka lava va hanyako kuhambukeni; Miti. 2:40; Juda 16

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1