Jakobe 3:8 - Tshwa Bible

⁸ kanilezi a lirimi, a ku na munhu a li kotako; xilo xa kubiha xi nga hluliwiko, li tele hi wutsulu gi dayako.

Jakobe 3:8 Mawu Ofanana

Tisimu 140:3

Va lota tirimi tabye ti fana ni ta tinyoka, A wuxungu ga timamba gi lomu nzeni ka milomu yabye. (Sela.) Rom. 3:13

Tisimu 55:21

A magezu ya nomu wakwe ma nanziha ku hunza mawomba, Kanilezi ku hi ni kuholova mbilwini yakwe. A magezu yakwe ma olova ku hunza mafura, Kasi lezo ti hi tisupado ti hlomulweko.

Tisimu 57:4

A muhefemulo wa mina wu lomu xikari ka tinghala; Nzi etlele xikari ka lava va pupuxako nzilo; A vanhu lava a meno yabye ma nga matlhari ni tigalala, Lava a tirimi tabye ti nga tisupado to kariha.

Tisimu 58:4

Va na ni wuxungu go fana ni ga nyoka; Va fanana ni phiri gi nga ingisiko, legi gi valako ndleve, Jer. 17:23; Ezek. 12:2; Miti. 7:57

Tisimu 59:7

A milomu yabye yi humesa manyala, A tisupado ti lomu milonwini yabye; Vaku: Himani loyi a zi zwako?

Mavingu 17:20

A wa mbilu yo biha a nga kumi kusaseka; oyi a nga ni lirimi lo kanganyisa i wela khombyeni.

Mutshawuteli 10:11

Loku nyoka yi luma na yi nga se ku lumbeliwa, a noyi a yi vuneki nchumu.

Va le Roma 3:13

A nkolo wabye xilahla xi vululekileko; Va khohlisa hi tirimi tabye; A wuxungu ga tinyoka gi lomu nzeni ka milomu yabye. Tis. 5:9; 140:3

Deuteronome 32:33

A vinya ga zona mbuxungu ga tinyoka, Ni wuxungu legi ga phiri.

Jakobe 3:6

Na lona lirimi i nzilo; a lirimi i tiko ga kubiha xikari ka ziro za hina; li nyenyezisa a miri wontihe, li dzivela a ndlela yontlhe ya kuhanya ka hina, lona wutsumbu li dzivelwa hi nzilo wa Gehena. Mat. 15:19; Mar. 7:15

Jakobe 3:7

A tixaka tontlhe ta zihari ni tinyanyani, ni ta zikokakoka, ni zihari za lomu bimbini, za gonziswa, ina zi fuywa hi vanhu,

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1