Jakobe 3:17 - Tshwa Bible

¹⁷ Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Jakobe 3:17 Mawu Ofanana

1 Tihosi 3:12

languta, nzi ta maha khwatsi hi lezi u wulileko; nzi ta ku nyika a mbilu ya kutlhariha yi nga ni kupima, laha ka kuva cima ku wa nga seva kona a munhu wo kota wena, hambu ni lenzhako ka wena ku nga tava kona a munhu wo kota wena.

1 Tihosi 3:28

Zonake vontlhe va ka Israeli va lozwa hi malamulela ya hosi, va hlamala, hakuva va lo wona lezaku a wutlhari ga Nungungulu gi na yena kuxuxeni ka timhaka.

1 Tihosi 3:9

Hikwalaho nyika a nanza ga wena a mbilu ya ku tivisisa ku lamula vanhu va wena, kasi nza fela ku tiva ku hambanyisa kusasa ni kubiha. Hakuva himani a nga zi kotako ku lamula a vanhu va wena vo tatisa lezi?

1 Kronekele 22:12

Ntsena Jehova a ku nyike a wutlhari ni malanga, a ku nyikela ku fumela hehla ka va ka Israeli, a ku nyika a ku hlayisa a milayo ya Jehova Nungungulu wa wena.

1 Kronekele 22:9

Languta u ta pswalelwa nʼwana loyi a ta ngava munhu wo rula; nzi ta mu nyika kuhumula xikari ka vontlhe valala vakwe va wontihe matlhelo, hakuva a vito gakwe i tava Solomoni; a masikwini yakwe nzi ta nyika va ka Israeli a kuhumula.

Joba 28:12

Kanilezi a wutlhari gi kumiwa kwihi ke? Gi kwihi a wutshamu ga kupimisisa ke?

Joba 28:23

Nungungulu wa tiva a ndlela yi yako ka gona, Wa tiva ni laha gi tsamako kona. Jak. 1:5

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Eksodusi 36:2

Zonake Mosi i lo vitana Bezaleli na Oholiaba, ni vontlhe vameseri, lava Jehova a va nyikileko wutlhari timbilwini tabye, ni vontlhe lava timbilu tabye ti susumetwako ku tira mitiro.

Mavingu 2:6

Hakuva Jehova hi yena a nyikako wutlhari, kutiva ni kupimisisa ku huma nonwini wakwe.

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 32:6

Hakuva a xipumbu xi wulawula wupumbu, Ni mbilu ya xona yi maha mitiro ya kubiha ni kukhohlisa; I wulawula zahava ha Jehova, A tsona loyi a na nga ni ndlala, Ni loyi a nga ni tora a mu tsona mati.

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Malaki 2:9

Hikwalaho nzi mu mahile mu soleka ni kuva vo biha mahlweni ka vanhu vontlhe, hakuva a mu hlayisi a tindlela ta mina, kanilezi mu cuwuka a nghohe ya munhu loku mu tlhamusela a nayo. 1 Sam. 2:30

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Mateu 23:28

Hizalezo na nwina, lahandle ka nwina mu woneka ka vanhu na mu lulamile, kanilezi lomu nzeni mu tele hi kuxengetela ni kubiha.

Mateu 5:8

Va katekile lava va kubasa timbilu, hakuva va ta wona Nungungulu. 1 Kor. 13:12; Maheb. 12:14; 1 Joh. 3:2, 3

Mateu 5:9

Va katekile lava va lamulako, hakuva va ta vitanwa vana va Nungungulu.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Luka 6:36

Ngha mu hi ni wuxinji, khwatsi hilezi a Raru wa nwina a nga ni wuxinji.

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

Mitiro 11:24

Kakuva i wa hi munhu nene, a teleko hi Moya wa ku Basa ni kukholwa; ni vanhu vo tala va lo ti nyikela ka Hosi.

Mitiro 9:36

Le mutini wa Jopa ku wa hi ni mupizani wa xisati a vitwako Tabita, lezo hi ku ngalo Dorkasi, loyi a nga tele hi mitiro yo saseka, ni ku nyika zinyikiwo ka zisiwana. Tit. 3:8; 1 Tim. 2:10

Va le Roma 12:18

Loku zi maheka, ni loku nwina mu zi kota, tshamani hi kurula ni vanhu vontlhe.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Va le Roma 15:14

Vamakabye va mina, minawu nza kholwa lezaku nwina mu tele hi wunene, ni ku tala hi kutiva kontlhe, ma zi tiva ku lulekana. 1 Kor. 8:1; 2 Ped. 1:12; 1 Joh. 2:21

1 Va le Korinte 12:8

Hakuva munwani i nyikiwa ha wona Moya a timhaka ta kutlhariha, ni munwani i nyikiwa a timhaka ta kutiva hi wona Moya lowo; Xip. 2:6; 2 Kor. 8:7

2 Va le Korinte 10:1

Mina Paule wutsumbu nza mu khongotela hi wunene ni kurula ka Kristu, mina loyi nzi ti koramisako loku nzi hi xikari ka nwina, kanilezi loku nzi hi hava nzi maha wurena ka nwina. Rom. 12:1

2 Va le Korinte 6:6

ni le kubaseni, ni le kutiveni, hi lihlaza-mbilu, hi wunene, ni ka Moya wa ku Basa, ni liranzo li nga ti mahisiko,

2 Va le Korinte 7:11

Langutani, lezi mu nga cheliwa a wusiwana ga lixaka leli a li ranzako Nungungulu; kupangama ka ku yini ku nga tira xikari ka nwina; ina, ni kutihlamulela ka ku yini; ina, i zanga ya ku yini; ina, kuchava ka ku yini; ina, kunavela ka ku yini; ina, kupinyama ka ku yini; ina, kutsayisa ka ku yini! Mu kombisile hi zontlhe lezaku a mu na nanzu mhakeni leyi.

2 Va le Korinte 9:10

Loyi a nyikako mbewu ka muxwanyi, a muha ni zakuga, i ta mu nyika a mbewu ku xwanya, a yi anzisa, ni ku enzelekisa a mihanzu ya kululama ka nwina, Isa. 55:10; Hos. 10:12; Mal. 6:1

Va le Efesusi 5:9

hakuva a mihanzu ya kuwonekela hi wunene gontlhe, ni kululama, ni zinene;

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Va le Filipi 4:8

Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

1 Va le Tesalonika 2:7

Kanilezi hi lo rula xikari ka nwina, kota a muanwisi loku a hlayisa a vanana vakwe.

1 Timote 5:21

Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.

2 Timote 2:24

A zi faneli lezaku a nanza ga Hosi gi holova, kanilezi a gi rule ka vontlhe, na gi tiva ku gonzisa, gi timisela.

Titusi 1:15

Zontlhe zi basile ka lava va basileko; kanilezi a ku na xilo xi basileko ka lava va zivi ni va nga kholwiko; a kupima kabye ni livalo labye zi nyenyezile. Lu. 11:39

Titusi 3:2

va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

Maheberu 12:11

A kutsayisa kontlhe a ku woneki makunu na ku tsakisa, kanilezi ka xanisa; hambu zi hi tano anzhako ka xikhati ku pswala a mihanzu ya kurula ka vona lava va wundlilweko ha kona, a mhbanzo wa kululama. Jak. 3:18

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Jakobe 2:4

Xana a mu mahi xihlawulela xikari ka nwina ke, muva Valamuli va nga ni maalakanyo ya kubiha ke?

Jakobe 3:15

A wutlhari ga kunghaho a giti hi le hehla, kanilezi ga misava, ga mahanyela, ga madimoni. Fil. 3:19; Juda 19

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 2:1

Hikwalaho tsikani a kubiha kontlhe, ni kukanganyisa kontlhe ni kuxengetela, ni kunavela, ni mahlevo wontihe.

1 Pedro 2:18

Zitiri, ingisani venyi va nwina hi xichawo xontlhe; na mu nga ingisi lava vo saseka ni va va nene ntsena, kanilezi ni lava vo biha.

1 Johani 3:18

Vana vanga, ngha hi nga ranzi hi kuwulawula, kutani hi lirimi, kanilezi a hi ranzeni hi kumaha ni zinene. Ezek. 33:31; Jak. 2:15, 16

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.