Jakobe 3:15 - Tshwa Bible

¹⁵ A wutlhari ga kunghaho a giti hi le hehla, kanilezi ga misava, ga mahanyela, ga madimoni. Fil. 3:19; Juda 19

Jakobe 3:15 Mawu Ofanana

2 Samueli 13:3

Kanilezi Amnoni i wa hi ni munghana loyi a vito a nga hi Jonadaba, a nʼwana wa Ximei a nakulobye wa Davida; Jonadaba i wa hi mbyhori ya hombe nguvu.

2 Samueli 15:31

Va lo byela Davida; vaku: Ahitofeli i lomu xikari ka lava va yimako na Absalome. Davida i te ngalo: Jehova, hunzula wusungukati ga Ahitofeli giva wupumbu! Joba 5:12

2 Samueli 16:23

Masikwini lawo, a timhaka leti ti nga wa wuliwa hi Ahitofeli ti wa fanana ni gezu ga Nungungulu. Ti wa hi lezo tontlhe timhaka ta Ahitofeli ka Davida ni ka Absalome.

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Luka 16:8

Ni hosi ya yona yi lo dzunza a nekwa yo biha, hilezi yi mahile hi wutlhari. Hakuva a vana va misava leyi va tlharihile ka xizukulwana xabye a ku hunza a vana va kuwonekela. Joh. 12:36; Efe. 5:8; 1 Tes. 5:5

Johani 3:17

Hakuva Nungungulu a nga rumelangi a Nʼwana wakwe tikweni a kuta lamula tiko; kanilezi aku kasi a tiko gi fela ku hanyiswa hi yena. Lu. 9:56; Xip. 5:45; 8:15

Johani 8:44

Nwina mu vana va raru wa nwina a nga Satani, mu ranza ku maha a kunavela ka raru wa nwina. Yena i wa hi mudayi hi kusanguleni, a nga yimi zineneni, hakuva ku hava zinene ka yena. Loku a wulawula mawunwa, i wulawula hi za wutsumbu gakwe; hakuva hi muhembi, i raru wa mawunwa. Mat. 13:38; 1 Joh. 3:8; Juda 6

Mitiro 13:10

aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Va le Roma 1:22

Na va ti wula lezaku va tlharihile, va lo maha maphuphulu. Jer. 10:14

1 Va le Korinte 1:27

Kanilezi Nungungulu i lo hlawula lezi za wupumbu za misava, lezaku a fela ku wisa tingana lava va tlharihileko; Nungungulu i lo hlawula lezi za gome za misava, lezaku a fela ku wisa tingana lezi zi nga ni ntamu; Tis. 8:2

1 Va le Korinte 2:14

Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. Mat. 16:23; Rom. 8:5; Juda 19

1 Va le Korinte 3:19

Hakuva a wutlhari ga misava, mbupumbu ka Nungungulu. Hakuva ku tsalilwe ku ngalo: Yena loyi a khomako a titlhari manweni ya tona; Joba 5:13

1 Va le Korinte 3:3

hakuva ma ha hi va nyama. Kota lezi ku nga kona a wukhuxu ni kuhambana xikari ka nwina, a mu va nyama ke, a mu na mahanyela ya vanhu ke?

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

Va le Filipi 3:19

A kugumelwa kabye hi kulova; a nungungulu wabye hi xingwengwe, va ti dzunza hi lezi zi nga tingana tabye, va khatalela a zilo za misava ntsena.

2 Va le Tesalonika 2:9

A zihunza-milayo xi tata hi kota ya kutira ka Satani, na xi hi ni ntamu wontihe ni ziwoniso ni zirewukiso za mawunwa, Mat. 24:24; Joh. 8:41; Efe. 2:2; Kuv. 18:23; 19:21

1 Timote 4:1

Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Juda 1:19

Lavo hi vona va vangako kuhambana, va nga va ka nyama, va nga hiko na Moya. Mat. 18:1; Jak. 3:16

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 2:24

Kanilezi ka vanwani va nwina va nga le Tiatira, nwentlhe lava mu nga vumeliko a gonzo leyi, lava mu nga tiviko a kueta ka Satani, kota lezi va wulako vona, mina nzi ngalo: Nzi nga ta mu rwexa munwani nzhwalo, Miti. 15:28

Kuvululelwa 9:11

A humbi yi wa fumiwa hi hosi, yi nga ngelosi ya nkele wa lieswila; a vito ga yona hi xiHeberu hi Abadoni, kanilezi hi xiGreki i wa hi Apolioni. Efe. 2:2