Jakobe 3:13 - Tshwa Bible

¹³ Himani a tlharihileko a tivako xikari ka nwina ke? Ngha a kombisa a mitiro yakwe hi mahanyela yakwe yo saseka na hi ni kurula ka wutlhari. Gal. 6:4

Jakobe 3:13 Mawu Ofanana

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Tisimu 122:8

Hi kota ya vamakabye ni vanghana va mina Nzi taku: A kurula a kuve na wena.

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 25:9

Wa rangela kululameni lava va koramileko, A va gonzisa ndlela yakwe.

Tisimu 45:4

Khilela haxi hi kungangamela ka wena u ya hlula, Na u lwela zinene, ni kurutisa, ni kululama; Zonake a canja ga wena ga xinene gi ta ku gonzisa mitiro yi rewukisako.

Mutshawuteli 8:1

Himani a fananako ni tlhari? Himani loye a zi kotako ku tlhamusela mhaka ke? A wutlhari ga munhu gi maha nghohe yakwe yi ngangamela, Ku zunya ka nghohe yakwe ku hunzulwa.

Mutshawuteli 8:5

Loyi a hlayisako a xileletelo, cima a nga ta tiva kubiha; A mbilu ya tlhari ya tiva xikhati ni fanelo.

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 60:6

A makameli yo tala ma ta ku fenengeta, Ni marole ya makameli ya le Midiani ni ya le Efa; Vontlhe va le Xeba va tata va neha nzalama ni hlakati, Va taba nyiwo hi kudumiswa ka Jehova.

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Jeremia 9:12

Himani a tlharihileko lezaku a pima lezi ke? Himani loyi a nomu wa Jehova wu wulawulileko kakwe, kasi a hi tivisa lezaku tiko gi onhisilwe hikuyini? Kala gi hisilwe ku fanana ni xiwula, ku nga ha hunzi ni munhu?

Jeremia 9:23

Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Mitsengo 12:3

Kanilezi inaloyi Mosi i wa hi munhu wo rula nguvu ku hunza vanhu vontlhe va nga laha misaveni.

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Mateu 5:5

Va katekile lava va kurula, hakuva va taga tshomba ya misava. Tis. 37:11; Rom. 4:13

Mateu 7:24

Hikwalaho kani hi mani loyi a zwako a timhaka leti ta mina, a ti maha, i ta fanana ni munhu a tlharihileko, loyi a nga aka yindlu yakwe laha ribyeni. Lu. 6:47

1 Va le Korinte 6:5

Nzi wula lezi ku mu wisa tingana. Xana a nga kona loyi a tlharihileko xikari ka nwina, loyi a ta nga zi kota ku lamula xikari ka vamakabye vakwe ke?

2 Va le Korinte 10:1

Mina Paule wutsumbu nza mu khongotela hi wunene ni kurula ka Kristu, mina loyi nzi ti koramisako loku nzi hi xikari ka nwina, kanilezi loku nzi hi hava nzi maha wurena ka nwina. Rom. 12:1

2 Va le Korinte 8:24

Hikwalaho kombisani ka vona mahlweni ka mabandla a xiwoniso xa liranzo la nwina, ni xa kutidzunza ka hina hi kota ya nwina.

Va le Galatia 5:23

ni kuolova, hi kutikhoma; a wu kona nayo wu alako a zakunghahi.

Va le Galatia 6:1

Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. 1 Kor. 2:15; 7:5; 2 Tes. 3:15

Va le Galatia 6:4

Ngha munhu ni munhu a hlola a ntiro wakwe, hi kona a to zi kota ku ti kulisa hi lezi a nga zona, na ku nga hi ku ti fananisa ni vanwani. Lu. 18:11; 2 Kor. 13:5

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

Va le Filipi 1:27

Ntsena ngha na mahanyela ya nwina ma fanela a ivangeli ya Kristu; lezaku hambu nzita nzi ta mu wona, hambu nzi ngati, nzi fela kuzwa timhaka ta nwina lezaku mu yimile muku nde moyeni munwe, na mu lwela a kukholwa ka ivangeli hi mbilu yinwe,

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

2 Timote 2:25

I fanele ku luleka hi kurula lava va kanetako, na a tsumba lezaku Nungungulu i ta va nyika kuhunzuluka va kala va tiva zinene,

Titusi 3:2

va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Jakobe 1:21

Hikwalaho hoxani a zivi zontlhe ni kubiha kontlhe, mu amukela hi kutikoramisa a mhaka leyi yi byalilweke ka nwina, leyi yi zi kotako ku hanyisa a mihefemulo ya nwina. Rom. 1:16; Kol. 3:8; 1 Ped. 1:9

Jakobe 2:18

Kanilezi munwani i taku ngalo: Wena u na ni kukholwa, mina nzi na ni mitiro. Nzi kombe a kukholwa ka wena na ku hi hava mitiro, mina nzi ta ku komba a kukholwa ka mina hi mitiro ya mina.

Jakobe 3:1

Vamakabye va mina, a linyingi la nwina ngha mu nga xuvi a kuva vagonzisi, na mu tiva lezaku hina lava hi nga vagonzisi hi ta amukela a kulamulwa ka hombe. Mat. 23:8

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

1 Pedro 1:15

Kanilezi kota lezi a basileko loyi a nga mu vitana, ngha nwinawu mu basa matshamelweni wontihe ya kuhanya ka nwina; 2 Kor. 7:1

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 3:4

kanilezi ngha mu bombisa a munhu loyi a fihlilweko wa mbilu, hi tinguwo leti ti nga boliko ta moya wa kurula ni kuolova, lowu wu nga ni tsengo wa hombe mahlweni ka Nungungulu. Tis. 45:13; Rom. 2:29; 7:22