Jakobe 2:7 - Tshwa Bible

⁷ Xana a va rukateli a vito legi gi nene mu vitanwako ha gona ke?

Jakobe 2:7 Mawu Ofanana

Tisimu 111:9

I rumele kutlatlheka ka vanhu vakwe, I yimisile a xivumelwano xakwe kala kupinzuka; A vito gakwe gi basile, ga chaveka.

Xizimba xa ka Solomoni 1:3

Hi kota ya kunanziha ka masema ya mafura ya wena, A vito ga wena gi fanana ni mafura lawa ma chululweko; Hikwalaho a vanhwana va ku ranza.

Isaya 43:7

Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Mateu 12:24

Kanilezi laha a vaFarisi na va zi zwile, va te ngalo: Loyi munhu i hlongola madimoni ntsena hi ntamu wa Belzebuba, loyi a nga hosi ya madimoni.

Mateu 27:63

vaku: Hosi, ha alakanya lezaku a mukhohlisi loyi na a ha hanya i te ngalo: Nzi ta vuka hi siku ga manharu. Xip. 17:23; Mar. 8:31; Lu. 9:22

Mitiro 11:26

Laha a nga wa mu kumile, i lo mu heleketa le Antiokia. Va lo tshama kona lembe gontlhe va tsombana ni handla, va gonzisa vanhu vanyingi. Hi kwa le Antiokia a vapizani va nga sangula kona a ku vitanwa aku maKristu.

Mitiro 15:17

Kasi a vanhu va seleko va fela ku lava Hosi, Ni vamatiko vontlhe lava va vitwako hi vito ga mina,

Mitiro 26:11

Lomu masinagogeni wontihe nzi lo va tsayisa zikhati zinyingi, nzi ringa ku va kurumeta a kuva va rukatela; na nzi zangarile nguvu ha vona, nzi lo va xanisa ni le mitini ya vamatiko. Xip. 22:19

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Va le Efesusi 3:15

loyi a mingango yontlhe ya le tilweni ni ya laha misaveni yi chuliwako ha yena, Fil. 2:9

1 Timote 1:13

hambu lezi a kale nzi nga hi ni nzhukano, nzi hi muxanisi ni mulamati. Kanilezi nzi lo mahelwa wuxinji, hakuva nzi lo zi maha hi kungativi na nzi nga se ku kholwa. Lu. 23:34; Joh. 9:39; Miti. 8:3; 9:1; 1 Kor. 15:9; Fil. 3:6

1 Pedro 4:16

Kanilezi loku munhu a xaniseka hilezi a nga muKristu, ngha a nga telwi hi tingana; kanilezi a dumise Nungungulu vitweni legi; Miti. 5:41

Kuvululelwa 19:13

I wa ambele a nguwo yi petilweko lomu nkhateni; a vito gakwe i wa hi Gezu ga Nungungulu. Isa. 63:2, 3; Joh. 1:1

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4