Jakobe 2:14 - Tshwa Bible

¹⁴ Vamakabye va mina, xana zi vuna yini loku munhu aku i na ni kukholwa, kanilezi a nga hi na mitiro? A kukholwa ka kunghaho ku nga mu hanyisa ke? Mat. 7:26; Xip. 1:23

Jakobe 2:14 Mawu Ofanana

Jeremia 7:8

Kanilezi nwina mu tsumba a timhaka ta mawunwa ti nga mu vuniko nchumu.

Mateu 5:20

Hakuva nza mu byele, nziku; Loku a kululama ka nwina ku nga hunzi a kululama ka vatsali ni vaFarisi, cima mu nga ta enghena mufunweni wa tilo. Rom. 9:31

Luka 3:11

I lo hlamula aku ngalo kabye: Loyi a nga ni mabhaji mambiri ngha aha loyi a vumalako, ni loyi a nga ni zakuga, a mahewo Zalezo. 2 Kor. 8:14; Jak. 2:15, 16

Luka 6:49

Kanilezi loyi a zwako, a nga zi mahi, i fanana ni munhu loyi a nga aka yindlu laha misaveni na yi nga hi na xiseketelo; ni swinga wu lo yi khulungela, yi su khuyuka; ni kuhahluka ka yindlu leyo ku wa hi ka hombe.

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 8:13

Na yena Simoni i lo kholwa; anzhako ka kuva na a bapatizilwe i lo simamisa na Filipu; a hlamala nguvu hi ku wona a ziwoniso ni zirewukiso lezi zi nga mahiwa hi yena.

Mitiro 8:21

Wena a ku na xipanze hambu ni xiavelo mhakeni leyi; hakuva a mbilu ya wena a yi lulamangi mahlweni ka Nungungulu. Mav. 11:20; Isa. 44:20

Va le Roma 2:25

Hakunene a wukwera ga vuna loku u hlayisa nayo; kanilezi loku u hi muhambunyeti wa nayo, a wutshiva ga wena gi mahile wukhuna. Gal. 5:3

1 Va le Korinte 15:2

leyi mu hanyisilweko ha yona, loku mu hlayisisa a timhaka leti nzi nga yi kanela ha tona ka nwina, loku mu nga kholwangi mahala. Rom. 1:16; Gal. 3:4

1 Va le Korinte 16:22

Loku a hi kona munhu loyi a nga ranziko Hosi, ave a rukatelweko. Maranatha! Gal. 1:8, 9; Juda 14-15

Va le Galatia 5:13

Vamakabye, mu vitanelwe kutlhatlheka; kanilezi mu nga tirisi a kutlhatlheka ka nwina lezaku mu famba hi ka nyama, kanilezi tirelanani hi liranzo. 1 Ped. 2:16

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

1 Va le Tesalonika 1:3

Xontlhe xikhati hi alakanya a ntiro wa nwina wa kukholwa, ni kupinyama ka liranzo, ni kutiya ka nwina kutsumbeni ka Hosi ya hina Jesu Kristu, a mahlweni ka Nungungulu a Dadani wa hina. Joh. 6:29; Gal. 5:6; Xip. 3:6; 2 Tes. 1:11; Maheb. 6:10; Jak. 2:17

1 Timote 1:5

Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Maheberu 11:17

Hi kukholwa Abrahama i lo phahlela ha Isaka a siku a nga ringiwa; ina, loyi a amukeleko a zitsumhiso i lo nyikela a nʼwana wakwe a belekilweko yece; Gen. 22:1, 9; Jak. 2:21

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14

Jakobe 1:16

Mu nga ti kanganyisi, vamakabye va mina va ranzekako.

Jakobe 2:16

zonake munwe wa nwina aku kabye: Fambani hi kurula, mu kufumela, mu xura, na mu nga va nyikangi lezi zi lavekako mirini, zi vuna yini lezo ke?

Jakobe 2:18

Kanilezi munwani i taku ngalo: Wena u na ni kukholwa, mina nzi na ni mitiro. Nzi kombe a kukholwa ka wena na ku hi hava mitiro, mina nzi ta ku komba a kukholwa ka mina hi mitiro ya mina.

Jakobe 2:26

Hakuva kota lezi wu fileko a miri lowu wu nga hava moya, hizalezo ni kukholwa loku ku nga hava mitiro ku file.

2 Pedro 1:5

Hi kota ya lezi ngha mu pinyamela a kuva ni wunene kukholweni ka nwina; ni wuneneni ga nwina muva ni kutiva;