Jakobe 2:13 - Tshwa Bible

¹³ Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Jakobe 2:13 Mawu Ofanana

Genesisi 42:21

Vona va lo wulawulisana voce, vaku: Hakunene hi na ni nanzu ka nakulori, hakuva hi lo mu wona na a xaniseka Mbilwini yakwe, hi ala ku mu zwela wusiwana, laha a nga wa hi khongotela; hi kota ya lezo ha humelwa hi khombo ga kunghahi.

2 Kronekele 28:11

Makunu nzi ingiseni, mu tlhelisa a tikhumbi leti mu ti khomileko xikari ka vanakuloni, hakuva a zanga ya Jehova yi le hehla ka nwina.

Tisimu 18:25

A wa wuxinji u ta mu mahela wuxinji; A wa kululama u ta mu mahela kululama.

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Mavingu 21:13

Loyi a valako tindleve takwe lezaku a ngazwi kurila ka zisiwana, enawu i ta rila, kanilezi a nga ta zwiwa hi munhu.

Mavingu 22:16

Loyi a tsimbeketako xisiwana wa anzisa wukosi ga xona, anilezi loyi a nyikako ka munhu a fumileko i ta mu maha a kuva muvumali.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mateu 5:7

Va katekile lava va nga ni wuxinji, hakuva va ta mahelwa wuxinji. Tis. 41:1; Maheb. 6:10; Jak. 2:13

Mateu 6:15

Kanilezi loku mu nga va tsetseleli a zigoho zabye, na yenawu a Raru wa nwina a nga ta mu tsetselela a zigoho za nwina. Xip. 18:35; Jak. 2:13

Luka 16:25

Kanilezi Abrahama aku ngalo: Nwananga, alakanya lezaku u amukele a makatekwa ya wena kuhanyeni ka wena, kanilezi Lazaru i amukele makhombo; makunu yena wa tangaliswa laha, kasi wena wa xaniseka. Joba 21:13; Xip. 6:24

Luka 6:37

Mu nga lamuli, na nwina mu nga ta lamuliwa; mu nga koni, na nwina mu nga ta koniwa; tsetselelani, na nwina mu ta tsetselelwa. Mat. 7:1

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Valamuli 1:7

Adoni-bezeki aku: 70 wa tihosi, laha ti nga wa tsemilwe titiho ta tona ta hombe ta mandla ni ta mikonzo, ti wa rolela matlhatlha lahasi ka meza ya mina. Nungungulu i nzi tlhelisela zimaho za mina. Vona va lo mu yisa le Jerusalema, laho a nga ya fela kona. Ekso. 21:23

Valamuli 5:27

Sisera i lo korama mikonzweni yakwe, awa, aku nakanaka. I lo korama mikonzweni yakwe, awa. Laha a nga koramela kona, i lo wela kwalaho afa.