Jakobe 2:1 - Tshwa Bible

¹ Vamakabye va mina, a kukholweni ka nwina hi Hosi ya hina Jesu Kristu, a Hosi ya kungangamela, mu nga hlawuli vanhu. Deut. 1:17; Mat. 22:16; 1 Kor. 2:8

Jakobe 2:1 Mawu Ofanana

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Mavingu 24:23

Leti kambe timhaka ta titlhari, zi sasekangi ku maha xihlawulela kulamuleni.

Mavingu 28:21

A ku chava dzumba ga munhu a zi sasekangi; akuva hi xipanze xa xibaba, a munhu a nga tshova nayo.

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mitiro 10:34

Pedro i lo vulula nomu wakwe, aku ngalo: Hakunene nza zi wona lezaku Nungungulu a nga hi na xihlawulela;

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 24:24

Kanilezi anzhako ka masiku yo kari, ku lota Felisi ni sati wakwe Drusila, loyi a nga hi muJuda, i lo vitana Paule, a kuva a ta muzwa hi kukholwa ka Kristu Jesu.

Mitiro 7:2

Stefani aku ngalo: Vamakabye ni vadadani, nzi ingiseni. A Nungungulu wa kungangamela i lo woneka ka koko wa hina Abrahama, laha a nga wa hi le Mesopotamia, na a nga se ku aka Harani,

Va le Roma 1:11

Hakuva nza navela ku mu wona, kasi nza fela ku mu nyika a xinyikiwo xo kari xa ka moya, lezaku mu fela ku tiyiswa. Xip. 15:29

1 Va le Korinte 2:8

A wutlhari legi a tihosi ta nguva leyi a ti gi tivi; hakuva loku ti wa gi tivile, ngha ti nga belelangi a Hosi ya kungangamela. Miti. 13:27

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Va le Kolosi 1:4

hakuva hi zwile hi kukholwa ka nwina ka Kristu Jesu, ni liranzo leli mu ranzako ha lona a vobasa vontlhe, Efe. 1:15; Maheb. 6:10

1 Timote 1:19

u khomisisa a kukholwa ni livalo li nene, leli vanwani va li tsikileko, va lahlekelwa hi kukholwa kabye.

1 Timote 5:21

Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.

Titusi 1:1

Paule, a nanza ga Nungungulu, tlhelo mupostoli wa Jesu Kristu, a rumelweko hi kota ya kukholwa ka vahlawulilweko va Nungungulu, ni kutiva kabye a zinene lezi zi xungeteneko ni ku khozela Nungungulu, 1 Tim. 6:3; 2 Tim. 2:25

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Jakobe 1:16

Mu nga ti kanganyisi, vamakabye va mina va ranzekako.

Jakobe 1:19

Nwina ma zi tiva lezi vamakabye va mina va ranzekako. Kanilezi ngha munwe ni munwani a hatlisa kuzwa, a nonoka ku wulawulela nonoka ku zangara; Mav. 16:32; Kutsa. 5:1, 2

Jakobe 2:3

mu khatalela loyi a ambeleko tinguwo to saseka, muku kakwe: Tshama laha mahlweni; mu wuya muku ngalo ka loyi a vumalako: Wena yima lahaya, kutani muku: Tshama lahasi mikonzweni ya mina.

Jakobe 2:9

Kanilezi ma onha loku mu hi ni kuhlawula vanhu, ma koniwa hi nayo lezaku mu vahambunyeti.

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

2 Pedro 1:1

Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:

Juda 1:16

Lava hi vona va kalalako ni ku monya, lava va fambako kumbilukeleni kabye, a milomu yabye yi wulawula wukhuxu, va hlawula vanhu hi kota ya bhinzu. 2 Ped. 2:18

Kuvululelwa 14:12

Hi laha ku wonekako a kutimisela ka vobasa, lava va hlayisako milayo ya Nungungulu ni kukholwa ka Jesu.