Jakobe 1:27 - Tshwa Bible

²⁷ A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

Jakobe 1:27 Mawu Ofanana

Tisimu 119:1

Va katekile lava va mbheleleko mahanyeleni yabye, Lava va fambako nayweni wa Jehova.

Tisimu 146:9

Jehova wa lonzowota a vamatiko, Wa hlayisa a zisiwana ni tinoni; Kanilezi i hambanyisa a tindlela ta vakubiha. Deut. 10:18

Tisimu 68:5

I dadani wa zisiwana, tlhelo muyimeli wa tinoni, Nungungulu i lomu wuakelweni gakwe go basa. Deut. 10:18

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Mateu 12:32

Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. Joh. 7:12, 52; 1 Tim. 1:13

Mateu 5:8

Va katekile lava va kubasa timbilu, hakuva va ta wona Nungungulu. 1 Kor. 13:12; Maheb. 12:14; 1 Joh. 3:2, 3

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Va le Roma 2:13

Hakuva a hi vazwi va nayo va nga lulamile mahlweni ka Nungungulu, kanilezi hi vamahi va nayo va ta nga hlayelwa kululama. Jak. 1:22

Va le Galatia 1:4

loyi a nga ti nyikela hi kota ya zionho za hina, lezaku kasi a fela ku hi hlanguta ka nguva leyi ya kubiha, kotisa a kuranza ka Nungungulu a Dadani wa hina. Isa. 65:17; Joh. 15:19; 17:14; 1 Joh. 2:2

Va le Galatia 3:11

Makunu zi la su dlunya lezaku a ku na munhu a hlayelwako kululama mahlweni ka Nungungulu hi nayo, hakuva ku tsalilwe ku ngalo: Lava va lulamileko va ta hanya hi kukholwa. Hab. 2:4; Maheb. 10:38

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Va le Galatia 6:14

Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.

Va le Efesusi 2:2

lezi mu nga famba ha zona kale, kukotisa a mahanyela ya misava leyi, mu lanzela a hosana ya mintamu ya lomu ndengelengeni, wu nga moya lowu wu tirako makunu ka lava va nga ingisiko. Kol. 3:6; 1 Joh. 5:19

Deuteronome 14:29

Zonake a muLevi i tata, hakuva yena a nga na xiavelo ni tshomba kota wena, ni muluveli ni xisiwana, ni wasati wa noni, lava va nga laha mutini wa wena, va taga va xura; kasi Jehova Nungungulu wa wena a fela ku ku katekisa mitirweni yontlhe ya wena, leyi u ta nga tira hi mandla ya wena.

1 Timote 1:5

Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22

1 Timote 5:4

Kanilezi loku a noni yi hi ni vana kutani vazukulu, ngha vona va ranga ku kombisa xichawo ka va ka kabye, ni ku va tlhelisela mulere a vapswali vabye; hakuva lezo za amukeleka mahlweni ka Nungungulu. Mat. 15:4

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Jakobe 3:9

Ha khesa ha lona a Hosi ni Dadani; kambe hi rukatela ha lona vanhu lava va mahilweko hi mufananiso wa Nungungulu.

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

2 Pedro 1:4

Yena i lo hi nyika a zitsumbiso zakwe za malongo lezi zi nga za hombe nguvu, lezaku ha zona mu fela kuva zihlengeli za xiyimo xa wuNungungulu, na mu ponile kuboleni loku ku nga kona laha misaveni hi kota ya kumbilukela. 2 Kor. 3:18; 7:1; 1 Joh. 3:2

2 Pedro 2:20

Hakuva loku va ponile a kunyenyezeni ka tiko, hi ku tiva a Hosi ni Muhanyisi Jesu Kristu, zonake va engeta va phaswa ha kona va hlulwa, a tshamela gabye go gumesa gi bihile ku hunza legi go ranga. Mat. 12:45; Maheb. 10:26

2 Pedro 3:14

Hikwalaho, varanzekako, kota lezi nwina mu langutelako lezi zilo, chelani kota lezaku mu ta kumiwa hi yena na mu hi ni kurula, mu nga hi na bala na khwanga mahlweni kakwe. 1 Kor. 1:8; Fil. 1:10; 1 Tes. 5:23

1 Johani 5:18

Hina ha zi tiva lezaku kani hi wihi a belekilweko hi Nungungulu a nga onhi; kanilezi loyi a nga belekiwa hi Nungungulu wa ti hlayisa, ni loyi wa kubiha a nga na ku mu henya. Jak. 1:27; 1 Ped. 1:23