Isaya 9:6 - Tshwa Bible

⁶ Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Isaya 9:6 Mawu Ofanana

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

2 Samueli 7:16

Kanilezi a yindlu ya wena, ni mufumo wa wena zi ta tshama kala kupinzuka mahlweni ka mina. A xitshamu xa wena xa wukosi xi ta su tsonzoma kala kupinzuka.

1 Tihosi 10:9

A ku khesiwe Jehova Nungungulu wa wena, loyi a xaleleko ha wena, a ku ku yimisa xitshanwini xa wuhosi xa ka Israeli! Jehova i ku yimisile a kuva hosi, u lamula ni ku tsema timhaka, hakuva wa ranza va ka Israeli kala kupinzuka.

1 Tihosi 2:33

Hikwalaho a nkhata wabye wu ta tlhelela hehla ka hloko ya Joabe, ni hehla ka tihloko ta pswalo wakwe kala kupinzuka. Kanilezi Jehova i ta nyika kurula ka Davida ni pswalo wakwe, ni le ndlwini yakwe, ni ka xitshamu xakwe xa wukosi kala kupinzuka.

1 Tihosi 2:45

Kanilezi hosi Solomoni i ta katekiswa, ni xitshamu xa wukosi xa Davida xi ta tiyiswa mahlweni ka Jehova kala kupinzuka.

Nehemia 9:32

Hikwalaho wena Nungungulu wa hina, u nga Nungungulu wa hombe, wa ntamu, wo tshisa, loyi a hlayisako xivumelwano ni wuxinji, ngha hlomulo lowu wu ngavi wutsongwani mahlweni ka wena, lowu wu weleko hehla ka hina, ni tihosi ta hina, ni tihosana ta hina, ni vapristi va hina, ni vaprofeti va hina, ni vararu va hina, ni hehla ka vanhu va wena vontlhe kusukela xikhatini xa tihosi ta le Assiria kala lezi.

Tisimu 45:3

Nhenha nziwena, boha supado ya wena nyongeni ya wena, Ni kungangamela ka wena ni wudzunzo ga wena.

Tisimu 45:6

Nungungulu, a xitshamu xa wena xa wuhosi xa kala kupinzuka; A nhonga ya wena ya wuhosi i nhonga ya nongameto. 2 Sam. 7:13, 16; Maheb. 1:8

Tisimu 45:7

Wena u ranza kululama, u venga kubiha; Hikwalaho Nungungulu, a Nungungulu wa wena, I ku totile hi mafura ya litsako ku hunza vanakuloni.

Tisimu 50:1

Nungungulu, a nga Nungungulu Jehova, i wulile, Na vitana misava kusukela Mutsuwuka-gambo kala Muhlwa-gambo.

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Tisimu 72:3

A zitsunga zi ta neha kurula vanhwini, Ni miganga kambe hi kota ya kululama. Isa. 2:4; 9:6

Tisimu 72:7

A masikwini yakwe a wakululama i ta hluka; Ni kurula ku ta anza, kala a hweti yi ngave kona. Lu. 2:14

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Tisimu 89:5

A matilo ma dumisa a zihlamaliso za wena, Jehova, Ni kutsumbeka ka wena hlengeletanweni wa vakubasa. Isa. 6:3; Efe. 3:10; Kuv. 4:8

Mavingu 8:23

Nzi yimisilwe xikhatini xi nga hiko na masangulo, i mahlweni a misava na yi nga se kuva kona.

Isaya 10:21

A misalela yi ta hunzuluka, A misalela ya Jakobe yi ta tlhelela ka Nungungulu wa ntamu.

Isaya 11:5

A kululama ku tava lifunga la xiwunu xa yena, Ni kukholeka ku tava bhandi gakwe.

Isaya 16:5

Zonake a xitshamu xa wuhosi xa wena xi ta tiyiswa hi wumbilu; Hehla ka xona ku ta tshama mulamuli lomu tabernakelini ga Davida, Loyi a ta nga tshanza nongameto, a hatlisako ku maha kululama. Jer. 23:5; 33:15

Isaya 26:12

Jehova, u ta vanga kurula xikari ka hina, Hakuva a mitiro ya hina yontlhe hi wena u yi mahileko.

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Isaya 28:29

Lezo na zonawu zi huma hi ka Jehova wa tiyimpi, Loyi a nga ni makungo ma hlamalisako, ni wutlhari ga hombe.

Isaya 32:1

Langutani, a hosi yi ta fuma hi kululama, Ni tihosana ti ta fuma hi nongameto.

Isaya 37:32

Hakuva hi le Jerusalema ku ta huma misalela, ni lava va nga pona xitsungeni xa Zioni. Lezo zi ta maheka hi kupangama ka Jehova wa tiyimpi.

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Isaya 53:2

Hakuva i lo kula mahlweni kakwe ku fanana ni hluke, Aku khwatsi i mutsu lowu wu kulako misaveni yi womileko. I wa nga hi ha dzumba, ge hambu kusaseka ku kokako mahlo; Ni, laha hi nga mu wona i wa nga hi na wumbhuri go hi tsakisa.

Isaya 53:5

Kanilezi yena i tlhabyilwe hi kota ya zihambunyeto za hina, A tshobyiwa hi kota ya zigoho za hina; A xitsayiso lexi xi hi nyikako kurula xi lo wela hehla kakwe, Zonake hi hanyiswa hi timbirimbi takwe. Rom. 4:25; 1 Kor. 15:3; 1 Ped. 2:24

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 8:18

Langutani, mina ni vanana lava Jehova a nzi nyikileko hi zikombiso ni zihlamaliso xikari ka Israeli hi ka Jehova wa tiyimpi, loyi a akileko xitsungeni xa Zioni.

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Hagai 2:9

A wukosi go gumesa ga yindlu leyi gi tava ga hombe ku hunza leʼgo ranga, ku wula Jehova wa tiyimpi; a ka wutshamu legi nzi ta nyika kurula, ku wula Jehova wa tiyimpi.

Mateu 1:1

A bhuku ga lixaka la Jesu Kristu, a nʼwana Davida, wa Abrahama. Tis. 132:1; Isa. 11:1; Lu. 3:23

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Luka 1:35

A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Luka 2:14

A wudzunzo a give ka Nungungulu le hehla matilweni, Ni kurula misaveni xikari ka vanhu tava a xaleleko ha vona. Isa. 57:19; Joh. 3:16; Efe. 2:17; Kol. 1:20; Kuv. 5:13

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:16

Hakuva hina hontlhe hi amukele hi kakwe kutala, a wuxinji hehla ka wuxinji. Efe. 1:6; Kol. 1:19

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Va le Roma 9:5

A vakokwani vabye; Kristu i lo huma kabye hi ka nyama, loyi a nga hehla ka zontlhe, Nungungulu loyi a bongiwako kala kupinzuka. Amen. Deut. 10:15; Joh. 1:1; Miti. 20:28

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

1 Va le Korinte 15:25

Hakuva i yimelwe hi ku fuma a kala a veka a valala vakwe vontlhe lahasi ka mikonzo yakwe. Tis. 110:1; Maheb. 1:13

2 Va le Korinte 5:19

hakuva Nungungulu i wa hi ka Kristu loku a tlhanganyisa tiko zinwe naye, lezaku a nga ha va hlayeli a zihambuko zabye; makunu i hi nyikile a mhaka ya kutlhanganyisa. Isa. 43:25; Rom. 3:25

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Va le Kolosi 2:3

loyi ku fihlilweko ka yena a titshomba tontlhe ta wutlhari ni kutiva.

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Maheberu 1:8

Kanilezi hi Nʼwana i ngalo: Nungungulu, a xitshamu xa wena xa wuhosi xa kala kupinzuka, A nhonga ya wena ya wuhosi i nhonga ya nongameto. Tis. 45:6, 7

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Valamuli 13:18

A ngelosi ya Jehova yi te ngalo ka yena: Hikuyini u wutisako a vito ga mina ke? I vito gi hlamalisako!