Isaya 9:19 - Tshwa Bible

¹⁹ Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Isaya 9:19 Mawu Ofanana

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 13:13

Hikwalaho nzi ta tsekatsekisa a tilo, Ni misava yi ta suka wutshanwini ga yona, Hi zanga ya Jehova wa tiyimpi, sikwini lego ga khulo gakwe gi chavisekako.

Isaya 13:18

A mawura yabye ma ta dayetela majaha, Cima va nga ta zwela wusiwana a xihlangi xa hiko nzeni, Ni mahlo yabye ma nga ta nyenyeletela zivanana.

Isaya 13:9

Langutani, a siku ga Jehova gata, Ga hlomulo wa khulo ni zanga yi chavekako; A ku ta hahlula a tiko, Ni ku lovisa vaonhi va nga ka gona.

Isaya 24:6

Hikwalaho a nzhukano yi khadamule misava, Ni vaaki va yona va konekile. Hikwalaho a vaaki va misava va hisiwa, a hi vanyingi va seleko.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 4:4

laha a Hosi yi ta ngava yi hlazile a chaka ga vanhwana va Zioni, ni ku susa a nkhata wu nga xikari ka Jerusalema hi moya wa kulamula ni moya wa kuhisa.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Isaya 60:2

Languta, a munyama wu fenengetile misava, Ni kuphuma ku fenengeta a matiko; Kanilezi Jehova i ta woneka hehla ka wena, Ni kungangamela kakwe ku ta woniwa ka wena. Joh. 1:5, 9, 14

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Ezekieli 20:47

uku ka khwati ga le Dzongeni: Zwana a mhaka ya Jehova; Hosi Jehova i ngalo: Nzi ta dzivela nzilo ka wena, wu ta hisa a tisinya tontlhe to taakama lomo ka wena ni tontlhe ta ku woma. A nhova yi nga ta timiwa: tontlhe tinghohe ti taswa kusukela Dzongeni kala Nwalungu.

Ezekieli 9:5

Ni ka vanwani i te ngalo a tindleveni ta mina: Mu lanzeleni, mu tsemakanya xikari ka muti mu hlasela. Ngha mu nga va nyenyeleteli, ne ni ku zwela wusiwana.

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

Joeli 2:3

Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.

Levi 26:26

Nzi ta mu wutlela a zibaba za nwina; a khume ga vavasati va ta mu bhikela zibaba za nwina lomu ka mbita yinwe, va mu phamela zibaba za nwina hi ku mu pimela; mu taga kanilezi mu nga ta xura.

Amosi 5:18

I khombo ka nwina mu navelako a siku ga Jehova! Mu gi navelela yini a siku ga Jehova? Gi tava ga munyama, gi nga tava ga kuwonekela.

Obadia 1:18

A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Mika 7:6

Hakuva a mufana wa kanyisa a raru wakwe, a nhanyana a vukela a nyine wakwe, ni katamwane i vukela a nwingi wakwe; a valala va munhu hi va yindlu ya ka kabye. Mat. 10:35; Lu. 12:53

Zakaria 11:6

Hakuva nzi nga ta ha va zwela wusiwana a vaaki va tiko, ku wula Jehova. Kanilezi nzi ta nyikela munwe ni munwani mandleni ya muakelane wakwe, ni mandleni ya hosi yakwe. Va ta onha tiko, kanilezi nzi nga ta va tlhatlhisa mandleni yabye.

Zakaria 11:9

Zonake nziku: Nzi nga ta ha mu risa! Leyi yi fako, a yife; ni leyi yi lahlekako, a yi lahleke! Leti ti salako, a yinwe ni yinwani a yige a nyama va yinwani.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Mitiro 2:20

A gambo gi ta pfhupeliswa, A hweti yi hunzuka yi maha nkhata, Na gi nga se nga chikela a siku ga Hosi, Legi ga hombe ni gi dumileko. Mat. 24:29

2 Pedro 2:4

Hakuva Nungungulu a nga tsetselelangi a tingelosi leti ti nga onha, kanilezi i lo ti hoxa Gehena, a ti valela marinzini ya munyama, a kuva ti gongiwa kala kulamulweni. Joba 4:18; Lu. 8:31; Joh. 8:44