Isaya 9:17 - Tshwa Bible

¹⁷ Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 9:17 Mawu Ofanana

Joba 15:34

Hakuva a ntlawa wa vakhohlisi wu tava tingonwa; Ni nzilo wu ta lovisa a matenda ya lava va rengelelwako.

Tisimu 109:12

Ku ngave ni munwe loyi a mu zwelako wuxinji, Ngha ku ngave ni munwe a hawukelako vanana vakwe.

Tisimu 147:10

A nga tsakeli a ntamu wa haxi, Hambu ku tsakiswa hi kutsutsuma ka munhu.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 13:18

A mawura yabye ma ta dayetela majaha, Cima va nga ta zwela wusiwana a xihlangi xa hiko nzeni, Ni mahlo yabye ma nga ta nyenyeletela zivanana.

Isaya 14:20

Wena u nga ta lahliwa zinwe na vona, Hakuva u hahlule tiko ga wena, u dele vanhu va wena. A pswalo wa vamahi va kubiha wu nga ta ha kumbukiwa.

Isaya 24:5

Ni misava yi nyenyezisilwe hi vaaki va yona, Hakuva va hambunyetile milayo, va hunzule ziyimiso; Va tshova xivumelwano xa kala kupinzuka.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 31:2

Kasike na yenawu i tlharihile, i ta neha kukarateka; A nga tlhelisi timhaka takwe, Kanilezi i ta vukela a yindlu ya vakubiha, Ni vavuni va lava va mahako kubiha. Isa. 45:7; Am. 3:6

Isaya 31:3

A maGipite mbanhu, a hi Nungungulu; Ni mahaxi yabye i nyama, a hi moya. Laha Jehova a ta nga nawuluta a canja gakwe Va tawa hi wumbiri gabye, a muvuni ni loyi a vuniwako, Vontlhe va ta lobyiswa khatiginwe.

Isaya 33:11

Mu ta xura a nyimba ya mungu, mu pswala byanyi gi womileko; A kuhefemula ka nwina i nzilo wo mu lovisa.

Isaya 33:12

Zonake a matiko ma taswa kota mhemba, Khwatsi hi mizwa yi tsemilweko, yi hiswa.

Isaya 40:30

Lava vaswa va nga karala, va rereka, Ni majaha ma nga wela magumo,

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 62:5

Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Isaya 9:21

Manase i taga Efraime, na Efraime aga Manase; Hi wumbiri gabye va ta vukela Juda. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Ezekieli 20:33

Nza hlambanya hi kuhanya ka mina, ku wula Hosi Jehova: nzi ta mu fumela hi canja ga ntamu, ni woko gi nawulutilweko, ni zanga yi chululweko.

Amosi 4:10

Nzi mu rumele a ntungu wo fanana ni wa le Gipite, nzi daya ma jaha ya nwina hi tisupado, a mahaxi ya nwina ma phangiwa; a kunuha ka zirumbi za wugovelo ga nwina nzi ku mahile ku chikela tinhovini ta nwina; hambu zi hi tano, a mu hunzulukangi ka mina, ku wula Jehova. Ekso. 9:3; 12:29; 2 Tih. 13:3, 7

Amosi 8:13

Hi siku lego a vanhwana va timbhuri ni majaha va ta karala hi tora.

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Mateu 16:3

Ni laha mixweni muku; Ku ta dzinza nyamutlha; hakuva a tilo gi pswhukile gi phuma. Ma zi tiva ku tsotsela a tshamela ga tilo, kanilezi ma tsanzeka ku tsotsela zikombiso za zikhati.