Isaya 9:15 - Tshwa Bible

¹⁵ A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Isaya 9:15 Mawu Ofanana

1 Tihosi 13:18

Na yena i te ngalo kakwe: Minawu nzi muprofeti kota wena. A ngelosi ya Jehova yi lo wula ka mina yiku: Mu tlhelise a wuya lomu ndlwini ya wena a taga zakuga anwa mati. Kanilezi i wo hemba mawunwa.

Joba 22:8

Kanilezi a wahombe u mu vulele misava; Ni loyi a dzunzekileko i akile ka yona.

Isaya 19:15

Gipite gi nga ta humelela ni ka wihi ntiro Lowu wu mahiwako hi hloko, kutani hi nkila, Hambu a hi ravi ga cinzu, kutani a mbunga.

Isaya 23:9

Hi Jehova wa tiyimpi a nga wula lezo, Lezaku a koramisa a matshanza wontihe ya wukosi; Ni ku tsongahata vontlhe va dzunzekileko va misava.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 28:17

A nongameto wu tava lipimo la kona, Ni kululama ku tava xiringaniso. A maralala ma ta kukuleta a wuchavelo ga mawunwa, Ni wufihlalelo gi ta khulungelwa bi mati.

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 3:12

A vanhu va mina va tsimbeketiwa hi nwanana, va fumelwa hi vavasati. O tiko ganga, a varangeli va wena va ku hambukisa, va gohile a ndlela leyi u fambako ha yona.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 43:27

A nyapanze wa wena i onhile, Ni vatlhamuseli va wena va nzi onhele.

Isaya 5:13

Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 59:3

Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Jeremia 23:9

Xungetano ni vaprofeti. A mbilu ya mina yi panzekile, A marambu ya mina wontihe ma gutlagutla; Nzi kotisa munhu loyi a popilweko, Ni loyi a dakilweko hi vinya, Hi kota ya Jehova ni timhaka takwe to basa.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Ezekieli 13:19

Mu nzi nyenyezisile xikari ka vanhu va mina hi kota ya macanja ya mavele, ni zipanzana za xibaba, na mu daya a mihefemulo leyi yi nga faneliko kufa, mu ponisa a mihefemulo leyi yi nga faneliko ku hanya, na mu kari mu hemba ka vanhu va mina lava va ingisako mawunwa.

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Hosea 9:8

Efraime i wa hi nala a nga xiyelela Nungungulu wa mina. A muprofeti a dembelwa tizinga tindleleni takwe tontlhe, va mu venga ni lomu ndlwini ya Nungungulu wakwe.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Mika 3:5

I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.

Malaki 2:9

Hikwalaho nzi mu mahile mu soleka ni kuva vo biha mahlweni ka vanhu vontlhe, hakuva a mu hlayisi a tindlela ta mina, kanilezi mu cuwuka a nghohe ya munhu loku mu tlhamusela a nayo. 1 Sam. 2:30

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

Mateu 7:15

Chavani a vaprofeti va mawunwa, lava va tako ka nwina na va ambele a tinguwo ta tiyivu, kanilezi timbilwini tabye va hi timhisi leti ti pamako. Deut. 13:3; Jer. 23:16; Rom. 16:17

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

1 Samueli 9:6

Kanilezi a nanza gi te ngalo kakwe: Ku na ni munhu wa Nungungulu laha ka muti lowu, a munhu wo dzunzeka; zontlhe lezi a zi wulako za maheka. A hiye kakwe kutani i ta hi byela za pfhumba ga hina, lezaku i ndlela muni hi faneleko ku famba ha yona.