Isaya 9:14 - Tshwa Bible

¹⁴ Hikwalaho Jehova i ta tsema ka Israeli a hloko ni nkila, A tsema ravi ga cinzu ni lihoka hi siku ginwe. 2 Tih. 17:3

Isaya 9:14 Mawu Ofanana

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 19:15

Gipite gi nga ta humelela ni ka wihi ntiro Lowu wu mahiwako hi hloko, kutani hi nkila, Hambu a hi ravi ga cinzu, kutani a mbunga.

Isaya 30:13

hikwalaho a kugoha loku ku tava na nwina khwatsi i khurisi gi tlakukileko gi nga ni tifa, legi gi khungumukako hi xitshuketi.

Jeremia 6:21

Hikwalaho Jehova i ngalo: Nzi ta vekela tiko legi a zikhunguvanyiso, a vapswali ni vanana va ta khunguvanyeka khatiginwe, a muakelwani ni munghana wakwe va ta lova zinwe.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Mikosi 4:16

A nghohe ya Jehova yi va hangalasile, a nga ha va khataleli; Va wa nga hi na xichavo ka vapristi, a va zwelangi wuxinji a zikhosana.

Hosea 1:4

Jehova aku kakwe: Mu chule vito ga Jezreeli, hakuva lokuloku nzi ta photela a nkhata wa Jezreeli ka yindlu ya ka Jehu, nzi mbhetisa a mufumo wa yindlu ya ka Israeli. 1 Tih. 21:1; 2 Tih. 9:8

Hosea 1:6

I lo xura nyimba kambe a mu belekela a nhanyana. Jehova aku kakwe: Mu chule a vito ga Lo-ruhama, hakuva nzi nga ha tava ni wuxinji kambe ka yindlu ya ka Israeli, nzi nga ta va tsetselela.

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Hosea 10:15

Nwina mu ta mahelwa zalezo le Beteli hi kota ya kubiha ka nwina ka hombe. Ni mixo a hosi ya ka Israeli yi ta lobyiswa bhi.

Hosea 13:3

Hikwalaho va ta kota a hunguva ya mixo, ni nzhokati leʼyi tlhatlhekako hi kuhatlisa, vaku khwatsi i mungu wu kukuletwako hi xipupuri lomu wuhulelweni, ni kukotisa i musi wu humako hi lomu chimeleni.

Hosea 4:5

U ta khunguvanyeka ni hlikanhi, ni muprofeti i ta wawu na wena ni wusiku; nzi ta lovisa ni nyine wa wena.

Hosea 8:8

Israeli i mitilwe. Makunu va lomu xikari ka matiko va fanana ni xibya xi nga ranziwiko.

Amosi 3:12

Jehova i ngalo: Khwatsi hilezi a murisi a wutlako nonwini wa nghala a milenge mimbiri ntsena, kutani a xipanze xa ndleve, hizalezo va ta nga ponisiswa zona a vanana va ka Israeli lava va nga le Samaria, va tshamileko magunweni ya zitulu ni hehla ka mibhedi yi vekelweko mafofa ya seda.

Amosi 6:11

Hakuva Jehova wa leletela; a yindlu ya hombe yi ta khungumulwa yi maha marumbi, a xiyinalwana xi ta fayetelwa.

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24

Kuvululelwa 18:10

Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. Isa. 21:9

Kuvululelwa 18:17

Hakuva a wukosi ga hombe ga kunghahi gi hangalakile hi xitshuketi. A vafambisi vontlhe va mataru, ni vontlhe va fambako matarwini, ni vamarinyero, ni vontlhe lava va bhinzuleko hi bimbi, va lo yima hi le kule, Isa. 23:14; Ezek. 27:29

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34