Isaya 9:11 - Tshwa Bible

¹¹ Jehova i ta va vuxela a valala va Rezini, A vuxa ni valala vakwe khatiginwe:

Isaya 9:11 Mawu Ofanana

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Tihosi 16:9

A hosi ya le Asiria yi lo mu ingisa yi kanziha yi yalwa ni Damasku yi gi teka, yi khoma a vanhu va kona yi va maha tikhumbi yi va yisa Kira, zonake yi daya Rezini.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 28:1

Khombo ka xidlodlo xa matshanza xa zidakwa za le Efraime, Ni ka xitsangi xi wunileko xi nga wubombi gabye, Xi nga le hehla ka nkova wu nonileko wa laʼva hluliwako hi vinya.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 7:1

A masikwini ya Ahazi, nʼwana Jotamu, a nʼwana Uzzia, a hosi ya ka Juda, Rezini a hosi ya Siria, na Peka, a nʼwana Remalia, a hosi ya ka Israeli, va lo kanziha Jerusalema a ku yalwa zinwe nago, kanilezi a va gi Wulangi.

Isaya 7:8

Hakuva a zinza ga Siria hi Damaseku, ni hloko ya Damaseku hi Rezini; loku ku hunzile 65 wa malembe Efraime i ta hangalasiwa, a nga ta ha hlayiwa xikari ka matiko.