Isaya 7:9 - Tshwa Bible

⁹ A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Isaya 7:9 Mawu Ofanana

2 Tihosi 15:27

Hi lembe ga wu 52 ga kufuma ka Azaria a hosi ya ka Juda, Peka nʼwana Remalia i lo sangula ku fuma lomu tikweni ga ka Israeli; i lo fuma 20 wa malembe le Samaria.

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

Isaya 28:1

Khombo ka xidlodlo xa matshanza xa zidakwa za le Efraime, Ni ka xitsangi xi wunileko xi nga wubombi gabye, Xi nga le hehla ka nkova wu nonileko wa laʼva hluliwako hi vinya.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 7:10

Jehova a engeta, aku ka Ahazi:

Isaya 7:4

Uku ka yena: Ti wonele, u rutisa; u nga chavi, ni mbilu ya wena yi nga mbheli ntamu hi kota ya zihunyana lezi zimbiri zi tuvikako musi, hikwalaho ka zanga ya Rezini ni ya Siria, ni ya nʼwana Remalia;

Isaya 8:4

Hakuva a nʼwana na a nga se ku tiva ku wula, aku: Dada, hambu, Mama, a titshomba ta le Damaseku ni muphango wa le Samaria zi ta yiswa mahlweni ka hosi ya Assiria.

Isaya 9:9

A vanhu vontlhe va ta yi tiva, Efraime ni vaaki va le Samaria, Lava va wulako hi matshanza ni kunonoha ka timbilu, vaku:

Jeremia 43:2

Azaria a nʼwana Hoxaia na Johannani a nʼwana Karea, ni vanhu vontlhe va matshanza va lo byela Jeremia, vaku: Wa hemba wunwa! Jehova Nungungulu wa hina a nga ku rumangi ku ta hi byela, uku: Mu ngayi Gipite mu ya luvela kona.

Mika 1:5

Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?

Mitiro 27:11

Kanilezi a nduna ya zana yi lo ingisa a mufambisi wa taru ni nwinyi wa gona, ku hunza lezi zi wulilweko hi Paule.

Mitiro 27:25

Hikwalaho, vavanuna, tiyanihlana; hakuva nza tsumba ka Nungungulu, lezaku ku ta maheka kota lezi ku wulawulileko ka mina. Lu. 1:45; Rom. 4:20, 21; 2 Tim. 1:12

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

1 Johani 5:10

Loyi a kholwako ka Nʼwana wa Nungungulu i na ni wukustumunyu nzeni kakwe; loyi a nga kholwiko ka Nungungulu i mu mahile muhembi; hakuva a nga kholwangi a wukustumunyu legi Nungungulu a nga yimela ha gona Nʼwana wakwe. Joh. 3:33; Rom. 3:16; Gal. 4:6