Isaya 7:4 - Tshwa Bible

⁴ Uku ka yena: Ti wonele, u rutisa; u nga chavi, ni mbilu ya wena yi nga mbheli ntamu hi kota ya zihunyana lezi zimbiri zi tuvikako musi, hikwalaho ka zanga ya Rezini ni ya Siria, ni ya nʼwana Remalia;

Isaya 7:4 Mawu Ofanana

2 Tihosi 15:27

Hi lembe ga wu 52 ga kufuma ka Azaria a hosi ya ka Juda, Peka nʼwana Remalia i lo sangula ku fuma lomu tikweni ga ka Israeli; i lo fuma 20 wa malembe le Samaria.

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

Isaya 10:24

Hikwalaho, a Hosi, Jehova wa tiyimpi, e ngalo: Nwina vanhu va mina mu akileko le Zioni, mu nga chavi Assiria; hambu loku a kuba hi nhonga, ni ku tlakusa a xigomba xakwe ka wena, kota lezi ku nga mahiwa le Gipite.

Isaya 30:15

Hakuva Hosi Jehova, a Wa ku Basa wa ka Israeli e ngalo: Loku mu tlhela ni loku mu rutisa mu ta kuma kuhanyiswa; a ntamu wa nwina mu ta wu kuma kuruleni ni kutsumbeni; kanilezi mu alile.

Isaya 30:7

Hakuva a kuvuna ka Gipite ka mahala; Hikwalaho nzi wulako lezaku i Rahabi gi nga vuniko nchumu.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 37:6

yena aku kabye: Mu ta wula lezi ka nwinyi wa nwina. Jehova i ngalo: U nga chavi hi kota ya timhaka leti u ti zwileko, leti a malanza ya hosi ya le Assiria ma nzi rukateleko ha tona.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 7:1

A masikwini ya Ahazi, nʼwana Jotamu, a nʼwana Uzzia, a hosi ya ka Juda, Rezini a hosi ya Siria, na Peka, a nʼwana Remalia, a hosi ya ka Israeli, va lo kanziha Jerusalema a ku yalwa zinwe nago, kanilezi a va gi Wulangi.

Isaya 7:8

Hakuva a zinza ga Siria hi Damaseku, ni hloko ya Damaseku hi Rezini; loku ku hunzile 65 wa malembe Efraime i ta hangalasiwa, a nga ta ha hlayiwa xikari ka matiko.

Isaya 7:9

A zinza ga Efraime hi Samaria, ni hloko ya Samaria hi nʼwana Remalia. Loku mu nga kholwi, cima mu nga ta tiya.

Isaya 8:4

Hakuva a nʼwana na a nga se ku tiva ku wula, aku: Dada, hambu, Mama, a titshomba ta le Damaseku ni muphango wa le Samaria zi ta yiswa mahlweni ka hosi ya Assiria.

Isaya 8:6

Kota lezi a vanhu lava va alileko a mati ya le Xiloa, lawa ma khulungako khwatsi, va tsakela Rezini ni nʼwana Remalia;

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Amosi 4:11

Nzi mu lovisile khwatsi hi laha Nungungulu a nga lovisa Sodoma ni Gomora, mu lo pona ku fanana ni lihunyi li susilweko nzilweni; hambu zi hi tano, a mu hunzulukangi ka mina, ku wula Jehova. Gen. 19:24; Isa. 13:19

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Zakaria 3:2

Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?

Mateu 10:28

Mu nga chavi lava va dayako miri, na va nga hi na ntamu a ku daya muhefemulo; kanilezi chavani loyi a nga ni ntamu a ku lovisa a muhefemulo ni miri le Gehena. Lu. 12:4; 1 Ped. 3:14

Mateu 24:6

Mu tazwa kulwa ni wudumo ga kulwa; ti woneleni lezaku mu nga dzukiswi. Lezi zilo zi fanele a kuva zi maheka, kanilezi a hi kona kugumesa.

Deuteronome 20:3

Ingisa Israeli! Mu longile inyamutlha a kulwa ni valala va nwina! A timbilu ta nwina ti nga mbheli ntamu, mu nga chavi, mu nga rurumeli, hambu ni ku dzukiswa ha vona;

1 Samueli 17:32

Davida i te ngalo ka Saule: Ngha mbilu ya munhu ni munhu yi nga mbheli ntamu hi kota ya yena! A nanza ga wena gi ta famba gi yalwa ni muFilistia loye.