Isaya 64:8 - Tshwa Bible

⁸ Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20

Isaya 64:8 Mawu Ofanana

Joba 10:3

Za ku sasekela a kuva u nzi tsimbeketa, Lezaku u kanyisa a ntiro wa mandla ya wena, U ti wonekelisa makungweni ya va kubiha ke?

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Tisimu 119:73

A mandla ya wena ma lo nzi maha, ma nzi wumba; Nzihe kupima kasi nza gonza zileletelo za wena.

Tisimu 138:8

Jehova i ta hetisa a ntiro wakwe a nzi tirelako wona. Jehova, a wuxinji ga wena ga kala kupinzuka; U nga tsiki a mitiro ya mandla ya wena.

Tisimu 74:1

Nungungulu, hiyini u hi tsikileko magumo? Hikuyini u zangarelako a ntlhambi wa wena ke?

Tisimu 95:6

Tanani, a hi khizameni hi korama, A hi khizameleni Jehova, a mumahi wa hina. Isa. 43:7; Efe. 2:10

Eksodusi 32:12

Hikuyini a vaGipite va ta ngaku ngalo: Ehe, i va humesile kasi a fela ku ya maha kubiha ha vona, hakuva i va dele le xitsungeni, niku i va lovisile laha misaveni. Tlhelisa a zanga ya wena, u tsika a kubiha loko u lavako ku maha ka vanhu va wena.

Eksodusi 4:22

Zonake u taku ka Faro: Jehova i ngalo: Israeli i nʼwana wa mina wa matewula. Mat. 2:15

Isaya 19:25

Jehova wa tiyimpi i ta va katekisa, aku: Gi katekile a Gipite, a tiko ga mina, na Assiria a ntiro wa mandla ya mina, na Israeli a tshomba ya mina.

Isaya 29:16

Ha, a wupumbu ga nwina! A wumba gi nga ringanisiwa ni muwumbi ke? A ximahwa xi ta wula hi mumahi wa xona, xiku: A nga nzi mahangi, Kutani leʼxi vatlilweko xi nga wula hi muvatli wa xona, xiku: A nga pimi nchumu? Isa. 45:9; Rom. 9:20

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 43:7

Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Isaya 44:21

Alakanya timhaka leti, wena Jakobe, wena Israeli, Hakuva u nanza ga mina, nzi ku mahileko; Israeli, u nanza ga mina, nzi nga ta ku rivala.

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:11

Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

Isaya 45:9

Khombo ka loyi a phikizanako ni Mumahi wakwe, U nga hlaza xikari ka tihlaza ta wumba. Xana a wumba gi nga wula ka muwumbi, giku: Xini u mahako? Kutani i ntiro wa wena, wu nga wula, wuku: U hava mandla. Jer. 18:6; Rom. 9:20

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Isaya 63:8

Hakuva i te ngalo: Hakunene, mbanhu va mina, A vanana va ta nga kala va nga hluwuki; Zinghaho ava muhanyisi wabye.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

Johani 8:41

Nwina mu maha a mitiro ya raru wa nwina. Vaku ngalo kakwe: A hi pswalwangi hi wubhayi; hi na ni Dadani munwe, yena Nungungulu.

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Galatia 3:29

Loku nwina mu hi va ka Kristu mu pswalo wa Abrahama, mu zigatshomba hi kota va xitsumbiso. Gen. 21:10; Rom. 8:17; 9:7; Maheb. 11:18

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.

Deuteronome 9:29

Kasi lezo vona mbanhu va wena, ni tshomba ya wena, lava u va humesileko le Gipite hi ntamu wa wena wa hombe, ni woko ga wena gi nawulutilweko.