Isaya 64:7 - Tshwa Bible

⁷ A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 64:7 Mawu Ofanana

Joba 10:9

Alakanya lezaku u nzi mahile kukotisa wumba, U ta nzi tlhelisa nziya tshurini kambe ke?

Joba 8:4

Loku a vana va wena va mu onhele, I va hoxile hi kota ya kugoha kabye.

Tisimu 100:3

Tivani lezaku Jehova i Nungungulu, Hi yena a nga hi maha, hi vakwe; Hi tiko gakwe, a tiyivu leti a ti risako. Ezek. 34:31; Joh. 10:11

Tisimu 14:4

Vontlhe a vamahi va kubiha, a va na kutiva ke? Lava va gako a vanhu va mina khwatsi hi loku vaga xibaba, Na va nga kombeli ka Jehova.

Eksodusi 32:12

Hikuyini a vaGipite va ta ngaku ngalo: Ehe, i va humesile kasi a fela ku ya maha kubiha ha vona, hakuva i va dele le xitsungeni, niku i va lovisile laha misaveni. Tlhelisa a zanga ya wena, u tsika a kubiha loko u lavako ku maha ka vanhu va wena.

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Isaya 27:5

Loku zi nga hi tano a va tsutsumele khokholeni ga mina, Va kombela kurula ka mina, Ina, a va kombele kurula ka mina.

Isaya 45:9

Khombo ka loyi a phikizanako ni Mumahi wakwe, U nga hlaza xikari ka tihlaza ta wumba. Xana a wumba gi nga wula ka muwumbi, giku: Xini u mahako? Kutani i ntiro wa wena, wu nga wula, wuku: U hava mandla. Jer. 18:6; Rom. 9:20

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 56:4

Hakuva Jehova i ngalo: A mithenwa leyi yi hlayisako a masabado ya mina, Leyi yi hlawulako lezi zi nzi xalalisako, Va hlayisako a xivumelwano xa mina,

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Isaya 59:2

Kanilezi hi zigoho za nwina zi mu hambanyisileko ni Nungungulu wa nwina, Ni zionho za nwina za mu fihlela a nghohe yakwe, laha kaku a nga zi koti ku muzwa.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Jeremia 9:7

Hikwalaho, ku wula Jehova wa tiyimpi, Nzi ta va nyekisa, nzi va hlota; Hakuva nzi nga mahisa kuyini hi nhwana wa vanhu va mina ke?

Ezekieli 22:30

Nzi lavile a munhu xikari kabye loyi a ta nga bhiya lihlavu, a yima laha vangeni mahlweni ka mina a lwela tiko, lezaku nzi nga gi lovisi, kanilezi a nzi mu kumangi.

Ezekieli 24:11

Zonake yi kungete laha ka makhala ya nzilo na yi hi phanga, kasi ya fela ku hisa, wuswa a suku wa kona, kasi a chaka ga yona gi ta nyeka, kuswa a kutshutshumbala ka yona.

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Hosea 7:14

A va rili ka mina hi timbilu tabye, ntsena ku keta masangweni yabye. Va tsombanela mavele ni vinya, va nzi fularela.

Hosea 7:7

Vontlhe va hisa ku fanana ni njalo, vaga a Valamuli vabye; a tihosi tabye tontlhe ti wile, ku hava ni munwe a nzi khongelako.

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15