Isaya 61:3 - Tshwa Bible

³ Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 61:3 Mawu Ofanana

Estere 8:15

Mordekai i lo Suka mahlweni ka hosi na ambele a tinguwo ta wukosi ta wukuxe ni to basa, na hi ni xidlodlo xa hombe xa nzalama, ni bhaji go saseka go mahiwa hi wukene go zirila. A muti wa Xuxani wu lo kanyuluka hi kutsaka.

Estere 9:22

ku nga masiku lawa a vaJuda va nga kuma kuhumula valaleni vabye, a hweti leyi a kuxaniseka kabye ku nga hunzulwa kuva litsako, a siku ga xirilo gi hunzulwa giva ka migiyo; va maha ha wona a mibuzo, va tsaka, va rumelana zinyikiwo, ni ku nyika zinyikiwo ka zisiwana.

Tisimu 104:15

Ni vinya legi gi tsakisako a mbilu ya munhu, Ni mafura yo nyukisa a nghohe yakwe, Ni xibaba lexi xi tiyisako a mbilu ya munhu. Vala. 9:13

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 23:5

Wena wa nzi longisela a meza mahlweni ka valala va mina, U totile a hloko ya mina hi mafura, A gombe ga mina ga pupuma.

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Tisimu 30:12

Kasi a muhefemulo wa mina wu fela ku ku dumisa, wu nga miyeli. Jehova, Nungungulu wa mina, nzi ta ku bonga kala kupinzuka.

Tisimu 45:7

Wena u ranza kululama, u venga kubiha; Hikwalaho Nungungulu, a Nungungulu wa wena, I ku totile hi mafura ya litsako ku hunza vanakuloni.

Mutshawuteli 9:8

A tinguwo ta wena ngha tiva leti ti basileko masiku wontihe, a hloko ya wena yi nga tshami yi nga hi na mafura.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 26:2

Vululani a tinyangwa, kasi ku enghena a vanhu va lulamileko, A vanhu va tsumbekileko.

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Jeremia 31:13

Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Ezekieli 34:29

Nzi ta va longisela a masimu ma nonileko, kasi va nga ha hangalaswi hi ndlala lomu tikweni gabye, hambu ku tseketselwa hi vamatiko.

Ezekieli 47:7

Laha nzi nga wuya nzi lo wona tisinya to tala laha mbhirini ya congo hi tlhelo ga seno ni ga seniya.

Zakaria 3:5

Nziku: A va mu ambexa a xihuku xo basa hlokweni yakwe! Va lo tlhateka a Xihuku xo basa hlokweni yakwe, va mu ambexa tinguwo. A ngelosi ya Jehova yi wa yimile kwalaho.

Mateu 15:13

Yena i lo hlamula, aku: A zibyalwa zontlhe lezi zi nga kala ku byaliwa hi Dadani wa mina wa le tilweni, zi ta tsuwuliwa. Joh. 15:2; 1 Kor. 3:12

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Luka 15:22

Kanilezi a raru wakwe i te ngalo ka malanza yakwe: Hatlisani, mu neha a nguwo yo saseka nguvu, mu mu ambexa; mu mu mehela a phera litihweni lakwe, ni zilato mikonzweni yakwe;

Johani 15:8

Dadani wa mina wa dumiswa hi lezi, lezaku mu pswala mihanzu yo tala, mu maha vapizani va mina. Xip. 13:35; Fil. 1:11

Johani 16:20

Hizinene nziku ka nwina: Mu ta rila, mu maha hlomulo, kanilezi a tiko gi ta tsaka; mu tava ni kuxaniseka, kanilezi a kuxaniseka ka nwina ku ta hunzuluswa ku maha kutsaka.

1 Va le Korinte 3:9

Hakuva hina hi zitiri-kulobye ni Nungungulu; nwina mu simu ga Nungungulu, mu wuako ga Nungungulu. Miti. 15:4; Efe. 2:20; Kol. 2:7

1 Va le Korinte 6:20

hakuva mu xabyilwe hi tsengo, hikwalaho dumisani Nungungulu mirini wa nwina. Mat. 5:16; 2 Kor. 7:1; Gal. 3:13; Maheb. 9:12; 1 Ped. 1:18; Kuv. 5:9

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

2 Va le Tesalonika 1:10

hi siku lego a ta ngata ha gona a kuta dumiswa ka vobasa vakwe, ni kuva wo hlamalisa ka vontlhe lava va kholilweko; hakuva mu kholilwe a wukustumunyu ga hina.

Maheberu 1:9

Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. Isa. 61:1; Miti. 4:27; 16:38

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.