Isaya 60:9 - Tshwa Bible

⁹ Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 60:9 Mawu Ofanana

Genesisi 9:27

Nungungulu i ta kulisa Jafete, A tshama matendeni ya Xemi; Kanani i ta kuva a nanza ga bye.

1 Tihosi 10:1

Laha a muzinza wa le Xeba a nga wa zwile a wudumo ga Solomoni xungetano ni vito ga Jehova, i lo ta mu ringa hi ziwutiso zo binza. Mat. 12:42; Lu. 11:31

1 Tihosi 10:22

Hakuva a hosi yi wa hi ni mataru le bimbini ga le Tarxixi ni mataru ya Hiramu; nzeni ka malembe manharu, a mataru ya le Tarxixi ma wata kanwe na ma rwele nzalama ni siliva, ni timhonzo ta tindlovu, ni tifenhe ni tipavawu.

1 Tihosi 22:48

Jehoxafate i lo maha mataru le Tarxixi a kuva ma ya teka a nzalama le Ofira; kanilezi a va yangi, hakuva a mataru ma lo wonheka le Ezioni-Gebera.

1 Tihosi 8:41

Ni loku a muluveli loyi a nga hiko wa vanhu va wena, a va ka Israeli, kanilezi na hi wa kuta hi le kule hi kota ya vito ga wena,

Tisimu 48:7

Wena u panza a mataru ya le Tarxixi hi mheho ya Mutsuwuka-gambo. Isa. 33:23

Tisimu 72:10

A tihosi ta Tarxixi ni ta le zihlaleni ti ta neha nzhuvo, Ni tihosi ta le Xeba ni Seba ti ta humesa zinyikiwo. Isa. 60:5; Mat. 2:11

Tisimu 97:1

Jehova wa fuma; a misava ngha yi nengela, Ni zihlale leʼzinyingi a zi tsake. Isa. 60:9; Zak. 9:9

Eksodusi 33:19

Jehova aku: Nzi ta hunzisa a wunene gontlhe ga mina mahlweni ka wena; na nzi kari nzi huwelela a vito ga Jehova mahlweni ka wena. Nzi ta mu mahela tipswalo loye nzi ta nga mu mahela tipswalo, nzi ta mu mahela wuxinji loye nzi ta nga mu mahela wuxinji. Rom. 9:15

Mavingu 18:20

A rumbu ga munhu gi ta xuriswa hi mbhanzo wa lirimi lakwe; ta xura hi lezi zi humako milonwini yakwe.

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 2:16

ni hehla ka wontihe mataru ya le Tarxixi, ni zontlhe lezi zi tsakisako mahlo.

Isaya 24:15

Dumisani Jehova le Mutsuwuka-gambo, ni lomu kukomama ni bimbi, khesani a vito ga Jehova, Nungungulu wa ka Israeli.

Isaya 42:10

Yimbelelani a lisimu tiswa ka Jehova, Mu mu dumisa kusukela magunweni ya misava; Nwina lava mu yako bimbini, ni zontlhe zi nga ka gona, A matiko ya le bimbini ni lava va akileko ka wona.

Isaya 42:4

A nga ta mbheta ntamu, ge ni ku karata, Kala loku a yimisile kululama laha misaveni; A matiko ya le bimbini ma ta langutela nayo wakwe.

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 49:1

Ingisani nwina matiko ya le bimbini, Zwanani nwina matiko ya le kule! Jehova i nzi vitanile na nza hi rumbyini ga mamani, I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31

Isaya 49:22

Hosi Jehova i ngalo: Nzi ta tlakusa a canja ga mina ka vamatiko, Nzi yimisa a nghapa ya mina xikari ka mifumo; Zonake va ta neha varisanyana va wena mawokweni yabye, Ni vanhwana va wena va ta va rwala makatleni.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Isaya 60:4

Tlakusa a mahlo ya wena u lunguza, Languta: va tsombene vontlhelele, vata ka wena; A vana va wena va tata hi le kule, Ni vanhwana va wena vata na va wukarelwe.

Isaya 60:6

A makameli yo tala ma ta ku fenengeta, Ni marole ya makameli ya le Midiani ni ya le Efa; Vontlhe va le Xeba va tata va neha nzalama ni hlakati, Va taba nyiwo hi kudumiswa ka Jehova.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Ezekieli 39:7

Nzi ta maha a vito ga mina ga kubasa gi tibyiwa xikari ka tiko ga mina Israeli; cima nzi nga ta ha tsika a vito ga mina ga kubasa gi nyenyeziswa kambe. A matiko ma ta zi tiva lezaku hi mina Jehova, Loyi wa ku Basa wa ka Israeli.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Mika 7:12

Hi siku lego va tata ka wena a va le Assiria, ni va le mitini ya le Gipite, ni kusukela Gipite kala Congweni, kusukela bimbini kuya ka ginwani bimbi, ni kusukela xitsungeni kuya ka xinwani xitsunga.

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Zakaria 14:14

Juda i ta lwawu le Jerusalema; a titshomba ta matiko wontlhe ma gamekeneko ti ta tsomhanyiswa: a nzalama, ni siliva, ni tinguwo to tala.

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Johani 17:26

Nzi va tivisile a vito ga wena, nza ha ta gi tivekisa; kasi a liranzo leli u nzi ranzileko ha lona li fela ku tshama ka vona, na mina nzi hi ka vona. Xip. 15:9, 15

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

Va le Galatia 3:26

Hakuva nwina nwentlhe mu varisanyana va Nungungulu hi kukholwa ka Kristu Jesu. Joh. 1:12

Va le Galatia 4:26

Kanilezi Jerusalema wa le hehla i tlhatlhekile, hi yena mamani wa hina, Isa. 2:2; Maheb. 12:22; Kuv. 3:12; 21:2

Joxua 9:9

Vona va te ngalo kakwe: Malanza ya wena mata hi le tikweni ga le kule nguvu hi kota ya vito ga Jehova, Nungungulu wa wena, hakuva hina hi zwile wudumo ga yena, ni zontlhe lezi a zi mahileko le Gipite,