Isaya 60:1 - Tshwa Bible

¹ Suka u yima, u khazamula, hakuva a kuwonekela ka wena ku chikele, Ni kungangamela ka Jehova ku vukile hehla ka wena.

Isaya 60:1 Mawu Ofanana

Tisimu 102:16

Laha Jehova a ta nga vuxa Zioni, A woneka kungangameleni kakwe.

Tisimu 87:3

A timhaka ta wudzunzo ta wulawuliwa ha wena, Muti wa Nungungulu. (Sela.) Isa. 2:2; Mika 4:1-4

Isaya 2:5

Yindlu ya Jakobe, ngonani hi famba kuwonekeleni ka Jehova!

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 28:5

A ka siku lego Jehova wa tiyimpi i tava xidlodlo xa wuhosi, Ni mubhodi wa wumbhuri a ka misalela ya tiko gakwe;

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

Isaya 42:6

Mina Jehova nzi ku vitanele kululama, Nzi ta ku khoma hi canja ga wena nzi ku hlayisa; Nzi ta ku yimisa a kuva xivumelwano ni tiko, Ni kuwonekela ka vamatiko;

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.

Isaya 62:1

Hi kota ya Zioni nzi nga ta miyela, Hi kota ya Jerusalema nzi nga ta humula Kala kuwonekela kakwe ku huma khwatsi wuronga, Ni kuhanyisa kakwe ku woningela kota kandiya.

Isaya 62:2

A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.

Isaya 66:11

Kasi mu ta anwa mu xura Hi mali ya kuchavelelwa kakwe; Kasi mu ta buzela, Mu tsakiswa hi wunyingi ga mavele yakwe.

Isaya 9:2

A vanhu lava va nga fambile munyameni va wonile a kuwonekela ka hombe; Lava va akileko tikweni ga nzhuti wa kufa A kuwonekela ku woningile hehla ka vona. Lu. 1:79; Joh. 1:9

Ezekieli 43:4

A kungangamela ka Jehova ku lo enghena lomu ndlwini hi nyangwa ya tlhelo ga Mutsuwuka-gambo.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 4:16

A vanhu va nga tshamile munyameni va lo wona a kuwonekela ka hombe, Ni lava va nga tshamile tikweni ga nzhuti wa kufa, A kuwonekela ku woningile hehla ka vona. Isa. 42:7; Lu. 2:32

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Johani 1:9

A kuwonekela ka zinene, loku ku woningako vanhu vontlhe, ku wa kari kuta misaveni. Isa. 49:6

Johani 12:46

Nzi tile nzi hi kuwonekela tikweni, lezaku ni wihi a kholwako ka mina a nga tshami munyameni. Xip. 3:19

Johani 3:19

A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Va le Efesusi 5:8

Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.

Kuvululelwa 21:11

wu hi ni kungangamela ka Nungungulu. Wu lo hatima khwatsi hi ribye ga ntsengo wa hombe, a ku fanana ni ribye ga jasperi, na gi basisile ku khwatsi hi kristali. Xip. 22:5

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17