Isaya 6:5 - Tshwa Bible

⁵ Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Isaya 6:5 Mawu Ofanana

Genesisi 32:31

Na a ha tlhatuka Penueli a gambo gi lo tsuwuka, na yena i wo khwita hi nyonga yakwe.

Tisimu 24:10

Himani a Hosi leyi ya kungangamela ke? Hi Jehova wa tiyimpi; Hi yena a Hosi ya kungangamela. (Sela.)

Eksodusi 24:10

Lahasi ka mikonzo yakwe ku wa hi ni xilo xo fanana ni ribye gi vatlilweko ga safira; xi wa ngangamela khwatsi i: tilo.

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Eksodusi 33:20

I lo engeta kambe aku: Cima u nga ta wona a nghohe ya mina; hakuva a ku na munhu loyi a nzi wonako a hanya. Vala. 13:22

Eksodusi 4:10

Zonake Mosi aku ka Jehova: Ehe! Wena Hosi, a nzi munhu wo zi kota ku wulawula khwatsi, hambu tolo, ne tolweni, hambu kusukela lezi u sanguleko ku wulawula ni nanza ga wena, cima a nzi zi koti ku wulawula khwatsi, hakuva nzi munhu wa manghakamela ni xirimiti.

Eksodusi 6:12

Mosi i lo wulawula mahlweni ka Jehova aku: Languta, a vanana va ka Israeli a va rizi ingisangi; Faro i ta nzi ingisa hikuyini, lezi nzi nga ni Xirimiti ke?

Eksodusi 6:30

Kanilezi Mosi aku ka Jehova: Nzi munhu wa xirimiti; Faro i ta nzi ingisisa kuyini?

Isaya 24:16

Ku sukela magemeta-musi ya misava hi zwile zizimba, zi nge: A wudzunzo a ka loyi a lulamileko! Kanilezi mina nziku: Ku wonza ka mina, ku wonza ka mina! Khombo ka mina! A vakanganyisi va kanganyisa; ina, a vakanganyisi va kanganyisile nguvu.

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

Isaya 33:17

A mahlo ya wena ma ta wona hosi wumbhurini ga yona, Ma ta wona a tiko gi anamileko.

Isaya 59:3

Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Jeremia 1:6

Nzi lo hlamula, nziku: Oho, Hosi Jehova! Cuwuka, a nzi zi tivi ku wulawula, hakuva nza hi nwanana. Ekso. 4:10; 6:12

Jeremia 51:57

Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.

Ezekieli 12:2

Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Danieli 9:20

Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Mitsengo 17:12

Zonake a vanana va ka Israeli va te ngalo ka Mosi: Languta hi file, hi lova, hontlhe ha lova.

Valamuli 13:22

Manoa aku ka sati wakwe: Hizinene hi tafa, hakuva hi wonile Nungungulu. Ekso. 33:20; Deut. 5:26

Valamuli 6:22

Gideoni i lo wona lezaku i ngelosi ya Jehova, aku: Hosi, Nungungulu yanga, nzi le khombyeni hakuva nzi wonile a ngelosi ya Jehova nghohe ni nghohe.