Isaya 6:2 - Tshwa Bible

² Hehla kakwe ku wa yimile a maserafima. A ginwe ni ginwani gi wa hi ni ntlhanu wa tipapa ni linwe; hi tipapa timbiri ma lo khubhunyeta a tinghohe ta wona, hi timbiri ma khubhunyeta mikonzo, hi timbiri ma puruma ha tona.

Isaya 6:2 Mawu Ofanana

Genesisi 17:3

Abrama i lowa hi nghohe yakwe, na Nungungulu i lo wulawula naye, aku:

1 Tihosi 19:13

Laha Elija a nga wa gi zwile, i lo fenengeta a nghohe yakwe hi bhaji gakwe, a huma a ya yima laha nyangweni ya mhako. Languta, a gezu gi lota gi taku kakwe: Elija, wo maha yini laha? Ekso. 3:6

1 Tihosi 22:19

Kanilezi Mikaia i te ngalo: Wena ingisa a gezu ga Jehova. Mina nzi wonile Jehova na a tshamile xitshanwini xakwe xa wuhosi, zinwe ni wontihe mabandla na ma hi xineneni xakwe ni le xibhabheni xakwe.

1 Tihosi 6:24

A kuleha ka yinwe ni yinwani ya tipapa ta kerubima ginwe ku wa hi ntlhanu wa mikono, na ku hi 10 wa mikono kusukela magumo ya lipapa linwe kuya magumo ka linwani lipapa.

1 Tihosi 6:27

I lo veka makerubima hi lomu nzeni ka yindlu, a tipapa ta kona ti tshambulutwa kasi a lipapa la ginwe li chikela le khurisini hi tlhelo ginwe, ni lipapa la ginwani li khumba le khurisini hi tlhelo ginwani; kanilezi a tinwani tipapa ta wona ti tlhangana laha xikari ka yindlu.

1 Tihosi 8:7

Hakuva a makerubima ma wa tshambulutile a tipapa ta wona laha ka wutshamu ga arke, ma fenengeta a arke ni mipingu ya kona.

Nehemia 9:6

Wena u Jehova, wena wece; hi wena u mahileko tilo ni matilo ya matilo, ni tiyimpi ta wona tontlhe, ni misava ni zontlhe zi nga ka yona, ni mabimbi ni zontlhe zi nga ka wona, u zi hanyisa zontlhe; a yimpi ya le tilweni yi khozela wena. Isa. 37:16, 20; Miti. 4:24

Joba 1:6

Makunu a ka siku go kari a vana va Nungungulu va lo ya ti wonekelisa mahlweni ka Jehova, na Satani i wa hi xikari kabye.

Joba 15:15

Languta, hambu a vabasileko vakwe a nga va tsumbi; Ina, ni matilo a ma basangi kuwoneni kakwe;

Joba 4:18

Languta, hambu malanza yakwe a nga ma tsumbi, Ni ka tona tingelosi takwe i wona zihoxo.

Tisimu 103:20

Khesani Jehova, nwina tingelosi takwe, Nwina tinhenha leʼta ntamu, mu mahako kulaya kakwe, Hi kuzwa a gezu ga mhaka yakwe.

Tisimu 104:4

U maha timheho tiva zirunwa za wena, Malangavi ya nzilo hi malanza ya wena.

Tisimu 18:10

I lo khilela a kerubima, a puruma, A haha tipapeni ta mheho.

Tisimu 89:7

Nungungulu wa chaveka hlengeletanweni wa vakubasa, A chabyiwa ku hunza vontlhe lava va mu ranzeleko.

Eksodusi 25:20

A makerubima ma ta tshambuluta a tipapa ta wona le hehla, ma fenengeta a xitshamu xa wuxinji hi tipapa ta wona na ti xungetene, a tinghohe ta makerubima na ti cuwuka a xitshamu xa wuxinji. Maheb. 9:5

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Eksodusi 37:9

A makerubima lawo ma lo tshambuluta tipapa ta wona ti fenengeta a xitshamu xa wuxinji, a tinghohe ta wona ti cuwukana, hi wumbiri ga wona na ma cuwukile lahasi xitshanwini xa wuxinji.

Isaya 6:6

Zonake a ginwe ga maserafima gi lo purumela ka mina, na gi welele a khala ga nzilo, legi gi gi tekileko hi tipharo le alatini.

Ezekieli 1:11

A tinghohe ta zona ni tipapa ta zona ti wa tsawukene le hehla; a xinwe ni xinwani xi wa hi ni tipapa timbiri ti tlhangeneko, ni tipapa timbiri leti ti nga khubunyeta a mimiri ya zona.

Ezekieli 1:24

Laha zi nga wa famba nzi lozwa a guwa ga tipapa ta zona, gi fanana ni guwa ga mati ya hombe, kukotisa a gezu ga Nyamintamu, a huwa ya yimpi. Loku zi yima zi wa dzeleta a tipapa ta zona lahasi.

Ezekieli 1:4

Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku.

Ezekieli 1:6

A xinwe ni xinwani xi wa hi ni mune wa tinghohe, ni xinwe ni xinwani xi wa hi ni mune wa tipapa.

Ezekieli 1:9

a tipapa ta zona ti wa tlhangana a linwe ka linwani, ni loku zi famba zi wa nga hunzuluki, zontlhelele zi wa famba zi lulama mahlweni.

Ezekieli 10:16

Laha a makerubima ma nga famba, a maranzani na wonawu ma wa famba mareveni ya wona. Laha a makerubima ma nga tlakusa a tipapa ta wona ma purumela hehla ka misava, a maranzani ma wa nga suki mareveni ya wona.

Ezekieli 10:21

A ginwe ni ginwani gi wa hi ni mune wa tinghohe ni mune wa tipapa, ni zilo zo khwatsi mawoko ya munhu zi wa hi lahasi ka tipapa ta wona.

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Danieli 9:21

ina, na nza ha wulawula mikombelweni, Gabrieli a wanuna loyi nzi nga mu wonile kuranga lomu muwonisweni, i lota na a puruma hi xihatla, a ta nzi khumba hi xikhati xa munyikelo wa laha gambyeni.

Zakaria 3:4

A ngelosi yiku ka lava va nga yimile mahlweni ka yona: Mu tlhatlheni a tinguwo to nyenyeza! Yi wuya yiku kakwe: Nzi ku susele a kugoha ka wena; nzi ta ku ambexa tinguwo ta mibuzo. Isa. 4:4; Mika 7:18; Lu. 15:22

Luka 1:10

A xidlemo xontlhe xa vanhu xi wa yimile lahandle xi khongela hi xikhati xa ku hiswa libani. Levi 16:17; Kuv. 8:3, 4

Maheberu 1:7

Loku a wula hi tingelosi aku ngalo: I maha tingelosi takwe tiva timheho, Ni malanza yakwe mava malangavi ya nzilo. Tis. 104:4

Kuvululelwa 14:6

Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

Kuvululelwa 7:11

A tingelosi tontlhe leti ti nga yimile ti ranzela xitshamu xa wuhosi, ni manghanakana, ni zimahwa zi hanyako za mune, zi lowa hi tinghohe mahlweni ka xitshamu xa wuhosi, zi khozela Nungungulu,

Kuvululelwa 8:13

A muwonisweni wa mina nzi lozwa a gama na gi kari gi puruma ndengelengeni ya tilo, giku hi gezu ga hombe: Khombo, khombo, khombo a give ka lava va akileko misaveni, laha ku ta nga biwa a mimpunzu ya tingelosi leti tinharu leti ta ha lavako kuba. Xip. 9:12; 11:14; 14:6; 19:17