Isaya 59:3 - Tshwa Bible

³ Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Isaya 59:3 Mawu Ofanana

Mavingu 6:17

A mahlo ya matshanza, a lirimi li hembako, i mandla lawa ma halatako nkhata wu nga hiko na nanzu;

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Isaya 1:21

O, a muti wo tsumbeka wu hunzulukileko wu maha xibhayi! A muti wu nga tele hi nongameto! A kululama ku wa akile ka wona, makunu wu tele hi vadayi.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Isaya 6:5

Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 2:34

Ni lomu minzhungweni ya nguwo ya wena ku kumiwa a nkhata Wa zisiwana lezi zi nga hiko na nanzu, Lava u nga va kumangiko na va bhoxa a yindlu ya wena, Kanilezi u va dele, hakuva u ranza a zakunghahi. Ekso. 22:2

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 7:8

Kanilezi nwina mu tsumba a timhaka ta mawunwa ti nga mu vuniko nchumu.

Jeremia 9:2

O mayiwako! loku nzi wa hi ni zumbo ga vafambi lomu xiwuleni, Zonake nzi wa ta ngha nzi tsikile a vanhu va mina, nzi suka xikari kabye, Hakuva vontlhe zibhayi, i hubye ya vakanganyisi. Tis. 55:6

Jeremia 9:7

Hikwalaho, ku wula Jehova wa tiyimpi, Nzi ta va nyekisa, nzi va hlota; Hakuva nzi nga mahisa kuyini hi nhwana wa vanhu va mina ke?

Ezekieli 13:8

Hikwalaho Hosi Jehova i ngalo: Kota lezi mu wulawulako za hava, mu hemba mawunwa hi miwoniso ya nwina, mina nzi ta mu vukela, ku wula Hosi Jehova.

Ezekieli 22:2

Nʼwana wa munhu, u ta lamula ke, u ta lamula a muti wa nkhata ke? Wu mahe wu tiva a manyalataniso wontihe ya wona.

Ezekieli 35:6

Hikwalaho nza hlambanya hi kuhanya ka mina, ku wula Hosi Jehova, nzi ta ku longisela a nkhata, ni nkhata wu ta ku lanzela. Kota lezi u nga vengangiko a nkhata, hikwalaho a nkhata wu ta ku hlongolela.

Ezekieli 7:23

Mahani tiketani, hakuva a tiko gi tele hi milanzu ya nkhata, a muti wu tele hi tihanyi.

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Hosea 7:3

Va tsakisa a hosi hi kubiha kabye, ni tihosana hi mawunwa yabye.

Mika 3:4

Hikwalaho Jehova a nga ta va hlamula loku va rila kakwe. Xikhatini lexo i ta va fihlela a nghohe yakwe hi kota ya zimaho zabye zi bihileko. Deut. 31:18; Isa. 1:15; Jer. 11:11

Mika 6:12

Hakuva a vafumileko va muti va tele hi tihanyi, ni vaaki va wona va wulawula mawunwa, ni tirimi tabye mbakhohlisi milonwini yabye.

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19