Isaya 59:15 - Tshwa Bible

¹⁵ Ina, a zinene za vumaleka, Ni loyi a tsikako leʼzo biha wa phangiwa. Jehova i zi wonile, zi mu tsanwisa Hikuva ku nga hi na nongameto.

Isaya 59:15 Mawu Ofanana

Genesisi 38:10

Makunu lezi a nga wa zi maha zi wa bihile mahlweni ka Jehova, hikwalaho Jehova i lo mu dayawu kambe.

2 Samueli 11:27

Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.

2 Tihosi 9:11

Zonake Jehu i lo huma aya ka malanza ya hosi yakwe, vona vaku kakwe: Khwatsi lezo! A munhu loyi wo hunguka i wo tela yini ka wena? Yena a va hlamula, aku: Ma mu tiva khwatsi loyi munhu ni mahungu yakwe. Jer. 29:26; Hos. 9:7

2 Kronekele 21:7

Hambu lezo Jehova a nga ranzangi ku lovisa a yindlu ya Davida, hi kota ya xivumelwano lexi a xi mahileko naye, ni mhaka leyi a nga yi wula aku i ta mu nyika, yena ni vanana vakwe, a kandiya kala kupinzuka.

Tisimu 5:9

Hakuva a ku na kutsumbeka milonwini yabye, A timbilu tabye ti tele hi kubiha; A minkolo yabye zilahla zi ahlamileko; Va wulawula mahlenga hi tirimi tabye. Rom. 3:13

Isaya 1:21

O, a muti wo tsumbeka wu hunzulukileko wu maha xibhayi! A muti wu nga tele hi nongameto! A kululama ku wa akile ka wona, makunu wu tele hi vadayi.

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.

Isaya 29:21

Lava va nyikako munhu nanzu hi marengu yabye, Va veka ziyo ka loyi a lamulako nyangweni, Va tshanza a mhaka ya loyi a lulamileko hi mawunwa.

Isaya 32:7

A matlhari ya mukanganyisi ma bihile, I aka mano yo lovisa lava va vumalako hi ku hemba mawunwa, Hambu loku a mhaka ya muvumali yi hi yinene.

Isaya 46:12

Nzi ingiseni nwina va timbilu to nonoha, Nwina valala va kululama.

Isaya 48:1

Ingisani lezi, nwina va yindlu ya Jakobe, Nwina lava mu vitanwako hi vito ga Israeli, Lava mu humelako marambyini ya ka Juda, Nwina lava mu hlambanyako hi vito ga Jehova, Mu dumisako a Nungungulu wa ka Israeli, Kanilezi na ku nga hi zinene ni kululama;

Isaya 5:23

Lava va yimelako a wakubiha hi kota ya ku xavelelwa, Va kona loyi a lulamileko.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Isaya 66:4

Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Jeremia 29:26

Jehova i ku yimisile a kuva mupristi a wutshanwini ga Jehoyada a mupristi, kasi kuva kona varangeli ndlwini ya Jehova, lezaku u boha hi makhotso ni tisinga lava va hlanyako, va ti maha vaprofeti.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Mikosi 3:36

Ni ku kalavela munhu mhakeni yakwe, Xana Hosi a yi zi woni ke?

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Amosi 5:10

Va venga loyi a va kawukako le hubyeni, va swireka hi loyi a wulawulako kululama.

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Marku 3:21

Laha maxaka yakwe na ma zi zwile, va lo famba a ku ya mu khoma, hakuva va waku: Wa pepuka.

Johani 10:20

A vanyingi va vona vaku ngalo: I na ni dimoni, i hungukile; hikuyini mu mu ingiselako?

Johani 8:52

A vaJuda vaku kakwe: Makunu ha zi tiva lezaku u na ni dimoni. Abrahama i file, ni vaprofeti kambe; na wena u ngalo: Loku munhu a hlayisa mhaka ya mina, cima a nga tazwa kufa. Zak. 1:5; Maheb. 11:13

Mitiro 26:24

Na a ha ti hlamulela kota lezo, Festu aku ngalo hi gezu ga hombe: Paule, u hungukile, a wutivi ga wena ga hombe ga ku hungukisa. Joh. 10:20; 1 Kor. 1:23; 2:13, 14

Mitiro 9:1

Kanilezi Saule na a ha kukutela a ku dzukisa ni ku daya a vapizani va Hosi, i loya ka mupristi wa hombe, Xip. 8:3; Gal. 1:13

Mitiro 9:23

Laha na ku hunzile a masiku yo tala, a vaJuda va lo tsema khungo kasi ku mu daya, Xip. 23:12; 25:3

Va le Roma 8:36

Khwatsi hi lezi ku tsalilweko ku ngalo: Ha dawa hi kota ya wena gontlhelele siku; Hi wuliwa lezaku hi tiyivu to tlhabyiwa. Tis. 44:22

2 Va le Korinte 5:13

Hakuva loku hi hungukile, hi hungukele Nungungulu; hambu loku hi hi ni kupima ku nene, hi nako hi kota ya nwina. Xip. 11:1