Isaya 59:13 - Tshwa Bible

¹³ Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Isaya 59:13 Mawu Ofanana

Joba 31:28

Loko kambe kubiha ku faneleko ku tsayiswa hi mulamuli; Hakuva ngha nzi wa kanetile Nungungulu loyi a nga le hehla. Deut. 17:3

Tisimu 18:21

Hakuva nzi hlayisile a tindlela ta Jehova, A nzi onhangi nzi fularela a Nungungulu wa mina;

Tisimu 78:36

Kanilezi va lo mu khohlisa hi milomu yabye, Va mu hembela hi tirimi tabye, Isa. 29:13; Jer. 12:2

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Isaya 10:1

Khombo ka vona lava va yimisako milayo yi nga lulamangiko, Lava va tsalako mapapilo yo tsimbeketa;

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Isaya 32:6

Hakuva a xipumbu xi wulawula wupumbu, Ni mbilu ya xona yi maha mitiro ya kubiha ni kukhohlisa; I wulawula zahava ha Jehova, A tsona loyi a na nga ni ndlala, Ni loyi a nga ni tora a mu tsona mati.

Isaya 48:8

Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 57:11

U wa dzukiswa hi mani, u chava mani ko kala u nga tsumbeki, Lezi u nga kala u nzi alakanya hambu ku nzi khatalela ke? Kasi a ku nzi chavi, hilezi nzi miyeleko xikhati xo leha ke?

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Jeremia 12:8

A tshomba ya mina yi nzi vukela ku fanana ni nghala lomu khwatini; Yi nzi dzumela, hikwalaho nzi yi swirekele.

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:16

Hambu ni vanana va Nofi ni va Takapanesi va panza a tshavatshava ga wena.

Jeremia 2:17

Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Jeremia 3:20

Hizinene kota lezi a wasati a mahako wubhemba ngangweni wakwe, Hizalezo, yindlu ya ka Israeli, mu wa nga tsumbeki ka mina, ku wula Jehova.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 42:20

Hakuva mu ti kanganyisile; hakuva mu nzi rumile ka Jehova a Nungungulu wa nwina, muku: Hi kombelele ka Jehova a Nungungulu wa hina, ni zihi lezi Jehova a Nungungulu wa hina a ta nga zi wula, hi byele hi ta zi maha.

Jeremia 5:23

Kanilezi lava vanhu va nzi hluwukile ni kuva ni mbilu ya wukaneti; va hluwukile va famba.

Ezekieli 18:25

Nwina muku: A ndlela ya Jehova a yi lulamangi. Zwanani nwina va yindlu ya ka Israeli! A yi lulamangi a ndlela ya mina ke? a hi leti ta nwina ti nga lulamangiko ke?

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Hosea 1:2

Laha Jehova a nga ranga a wulawula na Hosea, aku: Famba, uya teka a sati wa wubhayi ni vanana va wubhayi, hakuva a tiko ga maha wubhayi gi fularela Jehova. Vala. 8:33; Ezek. 16:15

Hosea 11:12

Efraime i nzi ranzele hi mawunwa, ni yindlu ya ka Israeli hi kukhohlisa. Kanilezi Juda wa ha hluwuka Loyi wo Basa a tsumbekileko.

Hosea 6:7

Kanilezi va tshovile a xivumelwano khwatsi hi Adamu; va nzi kanganyisile kwalaho.

Hosea 7:1

Loku nziku hi ku chuma Israeli, zonake ku woneka a zigoho za Efraime ni kubiha ka Samaria, hakuva va tira kukhohlisa. A makhamba ma enghena ni ntlawa wa vaphangi wa phanga hi lahandle.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Amosi 6:12

A mahaxi ma ta tsutsuma maribyeni ke? Kutani ku nga rimiwa kona hi tihomu ke? lezi mu hunzulako a nongameto wu maha nyongwa, ni mihanzu ya kululama yi maha manonwe.

Mateu 10:33

Kanilezi loyi a ta nga nzi ala mahlweni ka vanhu, minawu nzi ta mu ala mahlweni ka Dadani wa mina loyi a nga le tilweni.

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21

Jakobe 3:6

Na lona lirimi i nzilo; a lirimi i tiko ga kubiha xikari ka ziro za hina; li nyenyezisa a miri wontihe, li dzivela a ndlela yontlhe ya kuhanya ka hina, lona wutsumbu li dzivelwa hi nzilo wa Gehena. Mat. 15:19; Mar. 7:15

Joxua 24:27

Zonake Joxua aku ngalo ka vanhu vontlhe: Langutani, ribye legi gi tava kustumunyu gi ta nga hi kecara, hakuva gi zwile tontlhe timhaka leti Jehova a wulileko ka hina, gi tava kustumunyu lezaku mu nga dzuki mu kaneta Nungungulu wa nwina.