Isaya 59:12 - Tshwa Bible

¹² Hakuva a zihambunyeto za hina zi tele mahlweni ka wena, Ni zionho za hina za hi ranisa; Hakuva a zihambunyeto za hina ha zi wona, Ha zi tiva a zigoho za hina:

Isaya 59:12 Mawu Ofanana

Ezra 9:13

Kota lezi hi humelweko hi makhombo yo tala, hi kota ya zimaho za hina za kubiha, ni milanzu ya hina ya hombe, na hi wona lezaku wena Nungungulu wa hina a ku hi tsayisangi maringano ni kuonha ka hina, kanilezi u hi lonzowotela misalela ya kunghahi,

Ezra 9:6

nziku: Nungungulu wa mina, nzi na ni tingana ni gome a ku tlakusa a nghohe ya mina ka wena Nungungulu wa mina, hakuva a zigoho za hina zi kulile zi tlakuka hehla ka tihloko ta hina, ni nanzu wa hina wu kulile wu chikela tilweni. Gen. 18:20; Kuv. 18:5

Nehemia 9:33

Ahemba, ka zontlhe zi hi humeleko, wena u mahile nongameto, hakuva u mahile zinene, hina hi maha kubiha. Dan. 9:7, 14

Tisimu 51:3

Hakuva nza vumela a zihambuko za mina, A kuonha ka mina ku kona mahlweni ka mina xontlhe xikhati.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 3:9

A tinghohe tabye ta va kona; va fanana ni vanhu va Sodoma, va maha zionho zabye kubaseni, a va zi fihli. Khombo ka mihefemulo yabye, hakuva va ti mahele kubiha vona wutsumbu. Gen. 13:13; Jer. 2:17

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 3:2

Tlakusa mahlo ya wena migangeni Hi kwihi laha wena u nga etleliwiko kona ke? U tshamele vona le tindleleni, a ku fanana ni muArabia le xiwuleni, U nyenyezisile tiko hi wubhayi ga wena ni kubiha ka wena. Gen. 38:14

Ezekieli 5:6

I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

Ezekieli 7:16

Kanilezi lava va pfowoleko, loku va pona va ta tshama lomu zitsungeni ku fanana ni matuva ya mikova, munwe ni munwani i ta tlhava nkosi hi kota ya kugoha kakwe.

Ezekieli 7:23

Mahani tiketani, hakuva a tiko gi tele hi milanzu ya nkhata, a muti wu tele hi tihanyi.

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Hosea 5:5

A matshanza ya Israeli ma kustumunya ma mu vukela; hikwalaho Israeli na Efraime va ta khunguvanyeka zigohweni zabye; Juda kambe i ta khunguvanyeka navo.

Hosea 7:10

A matshanza ya Israeli ma mu ranisa; kanilezi a va se nga hunzulukela ka Jehova a Nungungulu wabye, kambe a va mu lavi.

Habakuka 1:4

Hakuva a nawo a wa ha hi na ntamu, a ka ha lamuliwi hi nongameto; hakuva a vakubiha va ranzela a valulamileko, hikwalaho a kulamula ku byeketwa.

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.