Isaya 59:10 - Tshwa Bible

¹⁰ Hi hulumetela lomu makhurisini khwatsi zikhumu, Ina, hi hulumetela kota lava va nga hiko na mahlo; Hi khubeka ni hlikanhi khwatsi hi loku ku hi wusiku, Xikari ka lava va nga ni ntamu hi fanana ni vanhu va fileko.

Isaya 59:10 Mawu Ofanana

Joba 5:14

Ni hlikanhi va ti kuma va hi xinyameni, Va hulumetela ni hlikanhi khwatsi hi loku gi hi wusiku. Deut. 28:29; Isa. 59:9

Mavingu 4:19

A ndlela ya vaonhi yi fana ni munyama, va xi tivi lexi xi va khubekisako.

Isaya 28:13

Hikwalaho a gezu ga Jehova gi tata kabye, giku: A zilayelo za mina a zi gumesi, A zilayelo zita xinwe hehla ka xinwani; Inyamutlha nzi wula lezi, manziko nzi wula leziya! Kasi loku va famba va fela kuwa ha xinzhakwani, Va tshoveka, va phasiwa, va khomiwa.

Isaya 8:14

Lezo i tava wuponelo ga nwina, kanilezi a ka tiyindlu leʼtimbiri ta ka Israeli i tava xikhunguvanyiso, ni ribye legi gi ta nga va wisa, ni ka vaaki va Jerusalema i tava tlhamu ni ziyo. Lu. 2:34; Rom. 9:33; 1 Ped. 2:7

Isaya 8:15

Vanyingi vabye va ta khunguvanyeka ka gona, vawa, va tshoveka: va ta phasiwa, va khomiwa.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Mikosi 3:6

I nzi tshamisile lomu matsha nwini ya munyama, Khwatsi hi lava va fileko kaleloko.

Mikosi 4:14

Va pepetseka lomu maruweni khwatsi zikhumu, va nyenyezisile hi nkhata, Laha kaku a vanhu a va zi koti ku khumba a tinguwo tabye.

Ezekieli 21:15

Nzi dembile a wutla ga supado ka tontlhe tinyangwa tabye, kasi a timbilu tabye ta nyekiswa, ku enzelekiswa lava va wako. Ha! yi mahilwe ku kwezima, yi dembilwe kasi ku hlasela.

Amosi 8:9

Hosi Jehova i ngalo: Hi siku lego nzi ta pelisa gambo laha munwini, nzi vanga munyama laha misaveni xikhatini xa hlikanhi. Mik. 3:6

Mika 3:6

Hikwalaho mu ta humelwa hi wusiku, kasi mu nga hi na miwoniso; ku tava munyama ka nwina kasi mu nga ha vumbi. A gambo gi ta pelela a vaprofeti, ni hlikanhi wu ta phuma hehla kabye.

Johani 12:35

Jesu aku ngalo kabye: A kuwonekela ka ha hi na nwina a xikhatanyana. Fambani na ma ha hi ni kuwonekela, kasi a munyama wu nga mu kamanyeti. Loyi a fambako munyameni a nga ku tivi laha a yako kona. Jer. 13:16; Xip. 1:9; 11:10

Johani 12:40

I phumisile mahlo yabye, a nonohisa timbilu tabye; Ku nga taku va wona hi mahlo yabye, va pima hi timbilu tabye; Va hunzuluka, nzi va hanyisa. Isa. 6:9, 10; Mat. 13:14

Deuteronome 28:29

u ta hulumetela laha hlikanhini khwatsi hi xikhumu xi hulumetelako lomu munyameni. U nga ta vuvuma tindleleni ta wena. U ta xaniswa ni ku phangiwa wontihe masiku, ni laho ku nga tava kona wa ku ku hlanguta.

1 Johani 2:11

Kanilezi loyi a vengako makabye wakwe i le munyameni, i famba munyameni, a nga ku tivi laha a yako kona, hakuva a munyama wu dele a mahlo yakwe. Joh. 12:35