Isaya 57:5 - Tshwa Bible

⁵ Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Isaya 57:5 Mawu Ofanana

1 Tihosi 14:23

Hakuva vonawu va lo ti akela a maganzelo lomu zitsungeni, lomu ku nga ni zifananiso za Axtarte, va maha lezo ka zontlhe zitsunga zi tlakukileko, ni lahasi ka tontlhe tisinya leti ti hlukako.

2 Tihosi 17:10

Va lo ti yimisela a zifananiso za Axtarte lomu matshanwini wontihe ya zitsunga zo leha, ni lahasi ka tontlhe tisinya to nyuka.

2 Tihosi 17:7

Hakuva a vanana va ka Israeli va wa onhele Jehova Nungungulu wabye loyi a va humesileko tikweni ga Gipite, lahasi ka canja ga Faro a hosi ya le Gipite, kambe va wa khozele vanwani vanungungulu. Levi 18:3

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Kronekele 28:3

Ni kambe i lo hisa a tibani le nkoveni wa nʼwana Hinome, a hisa a vanana vakwe laha nzilweni, a lanzela mahanyela ya matiko lawa Jehova a nga ma hlongola mahlweni ka va ka Israeli. Deut. 18:10; Jer. 7:30

Eksodusi 32:6

Zonake va lo vuka ni mixo va maha miphahlo yo hiswa ni miphahlo ya ku khesa. Zonake va lo tshama lahasi vaga, vanwa, va suka va hlakana.

Isaya 1:29

Hakuva va tava ni tingana hi kota ya tisinya ta mikuhlu leti mu nga tsaka ha tona, mu wiswa tingana hi kota ya masimu lawa mu ma ranzileko.

Jeremia 17:2

a vana vabye na va alakanya a maganzelo yabye ni zifananiso zabye za Axera lahasi ka tisinya to nyuka lomu migangeni.

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 3:6

Jehova i lo wula ka mina masikwini ya hosi Josia, aku: Xana u wonile lezi Israeli a wasati loyi a hambukileko a nga zi maha ke? Yena i kanzihile a zitsunga zontlhe zi tlakukileko, ni hasi ka tontlhe tisinya to nyuka, kwalomo i na si hutsetse wubhayini. 2 Tih. 17:10

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 50:38

A ximumu xi ta balela hehla ka mati yakwe, kasi ma fela kupswha, hakuva gona i tiko ga zifananiso zi vatlilweko, vona va ti tsitsiritile ka zona.

Jeremia 51:7

Babuloni i wa hi gombe ga nzalama canjeni ga Jehova, legi gi nga popisa matiko wontihe. A matiko ma nwile; a vinya gakwe, hikwalaho a matiko ma hungukile.

Jeremia 7:31

A matshamu ma tlakukileko ya Tofeti va ma akile lomu nkoveni wa nʼwana wa Hinome, kasi ku hisela kona a vafana ni vanhanyana vabye hi nzilo; lezo cima na nga layangiko, ne ni ku zi alakanya. Levi 18:21; 2 Tih. 23:10

Ezekieli 16:20

Tlhatakumbiri, u tekile a vafana ni vanhanyana lava u nga nzi belekela, u phahlela ba vona lezaku va giwa ha zona. Kasi a wubhayi ga wena gi wa nga ringani, 2 Tih. 16:3; Jer. 7:31

Ezekieli 20:26

nzi lo va nyenyezisa hi minyikelo yabye, laha va nga hisa hi nzilo wontihe a matewula, lezaku va dzuka va chava, kasi va fela ku zi tiva lezaku hi mina Jehova. 2 Kro. 33:6

Ezekieli 20:28

Hakuva laha nzi nga va enghenisile a tikweni legi nzi nga hlambanya lezaku nzi ta va nyika gona, a ka xihi xitsunga xo tlakuka va nga xi wona, ni ka tontlhe tisinya to tlhuma va lo mahela ka zona a miphahlo yabye, va nzi zangarisa hi minyikelo yabye; va hisa kambe ni muri wa masema yo nuhela, va chulula kona a minyikelo yabye ya kunwa.

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Ezekieli 6:13

Nwina mu ta zi tiva lezaku nzi mina Jehova, laha a vanhu vabye va delweko va mbambamela xikari ka zifananiso zabye, ni lomu matlhelweni ya maganzelo yabye, ni ka miganga yontlhe, ni lomu hehla ka zitsunga, ni lomu hasi ka tisinya to nyuka, ni hasi ka tisinya tontlhe ta mikuhlu, laho va nga mahela kona a minyikelo yo nuhela ka zontlhe zifananiso zabye.

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Mitsengo 25:6

Zalezo ku lo ta huma a munhu wa vanana va ka Israeli na a neha wasati wa muMidiani ka vamakabye vakwe kuwoneni ka Mosi ni tlhangano wontihe wa vanana va ka Israeli, laha na tlhangano wontihe wu kari wu rila laha nyangweni ya tenda ga mutlhangano.

Deuteronome 12:2

Mu taya lovisa maku bhi wontihe matshamu lawo a vanhu lava mu yako ku ya va khozisa, va nga wa khozela vanungungulu vabye kona, lomu ka zitsunga zi tlakukileko, ni lomu ka zitsungana, ni lomu hasi ka tontlhe tisinya to nyuka;

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8