Isaya 57:4 - Tshwa Bible

⁴ Mu hleka mani? Mu ahlamela mani milomu? Mu humesela mani tirimi? Xana a mu vana va kuonha, a pswalo wa mawunwa ke?

Isaya 57:4 Mawu Ofanana

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Tisimu 22:13

Ti nzi ahlamela milomu. Khwatsi hi nghala yi khadamulako yi dzumadzuma.

Tisimu 22:17

Nzi nga hlaya marambu ya mina wontihe; Vona va cuwuka va nzi honokela.

Tisimu 22:7

Vontlhe va nzi wonako va nzi hleka, Va monya, va ziviza, vaku: Mat. 27:39; Mar. 15:29; Lu. 23:35

Tisimu 35:21

Ina, va nzi ahlamela milomu yabye, Vaku: Haha! haha! a mahlo ya hina ma zi wonile. Joh. 16:10

Tisimu 69:12

Lava va tshamako hubyeni va wulawula ha mina, Nzi lisimu la lava va popilweko.

Eksodusi 9:17

Loku wa ha ti kukumukisa hehla ka vanhu ya mina, u ala ku va tlhatlha va famba,

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 10:15

A xihloka xi nga ti dzunza ka loyi a tsemako ha xona ke? Ni saho gi nga ti kulisa ka loyi a sahako ha gona ke? A ku khwatsi hi loku a nhonga yi wa ta tsekatsekisa a woko ga loyi a yi tlakusako, Ni loku a xigomba xi wa ta tlakusa loyi a nga hiko sinya!

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Isaya 48:8

Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.

Isaya 57:5

Nwina lava mu vurako lahasi ka mikanyi, A hasi ka sinya yinwe ni yinwani yi hlukako; Nwina lava mu dayako vanana lomu mikoveni, Ni lomo timhakweni ta maribye. Levi 18:21; 1 Tih. 14:23

Jeremia 20:8

Hakuva hi xikhanzakanya xa zalezi nzi wulawulako, nza keta; Nziba huwa hi kutsimbeketa ni kuphangiwa. Hakuva a mhaka ya Jehova va nzi rukatela hi kota ya yona, Ni ku nzi hleka gontlhe siku.

Ezekieli 2:4

Nza ku ruma ka vana va xikanya, va timbilu to nonoha, u tava byela uku: Hosi Jehova i ngalo.

Hosea 10:9

Israeli, u onhile kusukela masikwini ya Gibea. Va lo yima laho, kasi a yimpi yi vukelako a vakubiha yi nga va kumi le Gibea. Vala. 19:22

Mitsengo 16:11

Hikwalaho mu tlhangene wena ni vanhu va wena vontlhe a kulwa na Jehova! Xana Aroni o va mani yena wo kala mu monya ha yena ke?

Mateu 13:38

a simu hi tiko; a mbewu yi nene hi vana va mufumo; ni nyasavari hi Vana va loyi wa kubiha; Gen. 3:15; Lu. 24:47; Miti. 13:10

Mateu 27:29

Va lo luka a xidlodlo xa mizwa, va xi tlhateka hlokweni yakwe, va mu khomisa lihlanga canjeni gakwe ga xinene; va lo khizama mahlweni ka yena, va mu tseketsela, vaku: Xewe, hosi ya vaJuda! Tis. 69:19; Isa. 53:3

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Mitiro 9:4

I lowa hasi, azwa a gezu gi ngaku ka yena: Saule, Saule, hi yini u nzi xanisako ke? Mat. 25:40

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

Va le Kolosi 3:6

hi kota ya zakunghahi yata a zanga ya Nungungulu hehla ka lava va nga ingisiko,

Joxua 10:21

Vontlhe vanhu va lo wuya ka Joxua le wugovelweni ga le Makeda hi kurula; cima ku wa nga hi kona ni munwe wa kuhleva a vanana va ka Israeli.

2 Pedro 2:13

va lahlekelwa hi nzhiho lowu va nga wu tirela hi ku maha kubiha. Va alakanya lezaku litsako ku maha wudakwa laha hlikanhini. Va hi mahala ni makhwanga, va lonzola mibuzweni yabye ya liranzo loku va kari vaga na nwina. Rom. 13:13; Fil. 3:19; Juda 12