Isaya 57:13 - Tshwa Bible

¹³ Loku u rila ngha a xidlemo xa zifananiso za wena xi ku ponisa! Kanilezi a mheho yi ta zi kukuleta zontlhe, A moya wu ta zi yisa kule. Kanilezi loyi a nzi tsumbako i taga tshomba ya tiko, A xitsunga xa mina xa kubasa xi ta mu lumba.

Isaya 57:13 Mawu Ofanana

2 Tihosi 3:13

Elixa i te ngalo ka hosi ya ka Israeli: Xana nzi na ni mhaka muni na wena? Famba ka vaprofeti va raru wa wena, ni ka vaprofeti va nyine wa wena! A hosi ya ka Israeli yiku kakwe: Ahihi, hakuva Jehova i vitanile a tihosi leti ta tinharu a ku ti nyikela mandleni ya vaMoabi.

Joba 21:18

Ni lezaku ve khwatsi linhonhombyana li biwako hi mheho; Va ku khwatsi i mungu loʼwu kukuletwako hi bhubhutsa?

Tisimu 1:4

A vakubiha a va nghaho; Va fanana ni mungu wu kukuletwako hi mheho. Joba 21:18

Tisimu 118:8

Zi sasekile ku tsutsumela Jehova, Ku hunza ku tsumba vanhu.

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 37:11

Kanilezi lava va rulako va taga tshomba ya tiko, Va ta xalaliswa hi kurula ka hombe. Mat. 5:5

Tisimu 37:22

Hakuva lava Jehova a va katekisileko va ta fumela tiko, Kanilezi lava va rukatelweko hi yena va ta hetiswa.

Tisimu 37:29

A valulamileko va taga tshomba ya tiko, Va aka ka gona kala kupinzuka.

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Tisimu 37:9

Hakuva a vamahi va kubiha va ta lobyiswa; Kanilezi lavo va rinzelako ka Jehova va taga tshomba ya tiko.

Tisimu 58:9

A timbita ta nwina na ti nga se henya tihunyi, A nyama na ya ha hi yimbisi, yi ta kukuletwa hi xipupuri xo hisa.

Tisimu 84:12

Jehova wa tiyimpi, I katekile a munhu loyi a tsumbako ka wena.

Mavingu 28:25

Loyi a nga ni mbilu ya matshanza wa vuxa mazunga; anilezi loyi a tsumbako Jehova i ta xura.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 14:32

Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 40:24

Na va ha ku byaliwa, na va ha ku xwanyiwa, A tshinya gabye na ga ha tlhava mitsu misaveni, Loku a pupuxa hehla ka vona va wuna, Ni xipupuri xi va kukuleta ku fana ni mungu.

Isaya 41:16

U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 65:11

Kanilezi nwina lava mu tsikako Jehova, Mu rivalako a xitsunga xa mina xa kubasa, Mu longiselako Gadi a meza, Mu khelako Meni a vinya;

Isaya 65:25

A hlolwa ni yivana zi taga zinwe A nghala yi taga byanyi khwatsi i homu; Ni nyoka yi taga ntshuri. Va nga ta lamata hambu ku lovisa Lomu xitsungeni xontlhe xa mina xi basileko, Ku wula Jehova.

Isaya 65:9

Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Jeremia 2:28

Makunu va kwihi a vanungungulu va wena lava u ti maheleko ke? Hi nga va tsika va yima, hi wona loku va zi kota ku ku hanyisa xikhatini xa makhombo! Hakuva a vanungungulu va wena va ringana ni tsengo wa miti ya wena, o Juda. Deut. 32:37; Vala. 10:14

Jeremia 22:20

Kanziha Lebanoni, u kanyuluka, Tlakusa gezu ga wena le Baxani! Kanyuluka na u hi le Abarime, Hakuva a varanziwa va wena vontlhe va lobyisilwe.

Jeremia 22:22

A varisi va wena va ta hahisiwa hi mheho, Ni varanziwa va wena va ta yiswa wukhumbini; Zonake u taku koyo tingana, U xeveka hloko hi kota ya kubiha ka wena.

Jeremia 30:14

A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.

Hosea 13:3

Hikwalaho va ta kota a hunguva ya mixo, ni nzhokati leʼyi tlhatlhekako hi kuhatlisa, vaku khwatsi i mungu wu kukuletwako hi xipupuri lomu wuhulelweni, ni kukotisa i musi wu humako hi lomu chimeleni.

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Zakaria 7:13

Khwatsi hilezi va nga kala ku ingisa laha a nga vitana, hizalezo nzi nga ta ingisa loku va vitana, ku wula Jehova wa tiyimpi;

Valamuli 10:14

Fambani mu ya rila ka vanungungulu lavo mu va hlawulileko; a va mu hlangute xikhatini xa zikarato za nwina.